सोलुखुम्बु, असार २३
हिमाली जिल्ला सोलुखुम्बुमा पनि सलह देखिएको छ । जिल्लाको विभिन्न स्थानमा सलह देखिएको कृषि ज्ञान केन्द्र सोलुखुम्बुले जनाएको छ । सोलुखुम्बुको सोताङ, महाकुलुङ र लिखुपिके गाउँपालिकामा सहल देखिएको कृषि ज्ञानकेन्द्रका निमित्त प्रमुख कुल बहादुर राईले जानकारी दिए । जिल्लाकका विभिन्न स्थानमा देखिएको झुण्ड सलह नै भएको पुष्टि भएको उनको भनाइ छ । भारतबाट प्रवेश गरेको सलहले अहिलेसम्म क्षति भने नगरेको राईको भनाइ छ ।
जिल्लाको सोताङ गाउँपालिकामा वडा नम्बर ५ को खबुवा भन्ने स्थानमा सहलको भुण्ड देखिएको कृषि ज्ञान केन्द्र सोलुखुम्बुका बाली संरक्षण अधिकृत बवि बस्नेतले बताए । स्थानीयहरुले पनि १२–१४ वटाको समूहमा सलह देखिएको बताएका छन् । तर यसले बालीमा अहिलेसम्म कुनै क्षति नपु-याएको स्थानीयको भनाइ छ । जिल्लाको विकट क्षेत्र लिखुपिके गाउँपालिका वडा नम्बर ५ भकान्जेमा पनि सलहको झुण्ड देखिएको स्थानीयको भनाइ छ । करिब १० देखि १५ वटाको समूहमा सलह देखिएको कृषि ज्ञान केन्द्रको भनाइ छ ।
त्यस्तै वडा नम्बर ४ पनि ३० वटाको समूहमा सलह देखिएको गाउँपालिका अध्यक्ष डम्बर बहादुर बस्नेतले बताए । अहिलेसम्म बालीमा क्षति पु-याएको विषयमा गाउँपालिकामा समेत स्थानीयले कुनै गुनासो नगरेको अध्यक्ष बस्नेतको भनाइ छ । सलह किराको रोकथामका लागि कृषि ज्ञान केन्द्र सोलुखुम्बुले स्थानीय तहसँग समन्वय गरिरहेको निमित्त प्रमुख राईको भनाइ छ । सबै स्थानीय तहमा फोकल पर्सन तोकेर काम भइरहेको उनको भनाइ छ ।
क्याटेगोरी : बिबिध
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया