सुरज बिष्ट
धनगढी, साउन ४
कैलालीका विकासे कार्यालयहरूले सन्तोषजनक प्रगति गर्नसकेका छैनन् । गत आर्थिक वर्ष २०७६/७७ का लागि विनियोजन गरिएको ८ अर्ब ९५ करोड ४६ लाख विकास बजेटमध्ये चार अर्ब ९७ करोड ७५ लाख बजेट मात्रै खर्च गर्न सकेका छन् । तीन अर्ब ९७ करोड विकास बजेट खर्च गर्नसकेका छैनन् । विकासे अड्डाहरूको प्रगति ५५ दशमलव ५९ प्रतिशत मात्रै छ ।
तीन अर्ब ९७ करोड ७१ लाख बढी बजेट फिर्ता भएको कोष तथा लेखा नियन्त्रण कार्यालय कैलालीका प्रमुख लक्ष्मीराज जोशीले बताए । ‘संघीय सरकारअन्तर्गत कैलालीमा १० वटा अड्डाहरू छन् यी अड्डाहरूको बजेट खर्च पुँजीगततर्फ करिब ५५ प्रतिशत खर्च भएको देखिन्छ, सबै सय प्रतिशत खर्च त हुँदैन तर ७० देखि ८० प्रतिशतसम्म खर्च भइरहेको अवस्था थियो । तर यस गत वर्ष ५५ प्रतिशत मात्रै खर्च भयो’, उनले थपे, ‘गत आर्थिक वर्षमा लकडाउनका कारण पनि खर्च कम भयो भने केही विकासे अड्डाहरू मुद्दामामिलामा अड्किँदा पनि उल्लेख प्रगति गर्नसकेका छैनन् ।’
कैलालीमा सञ्चालित विकास निर्माणका योजनाहरूमध्ये सबैभन्दा कम खर्च क्षेत्रीय आयोजना कार्यान्वयन इकाइको भएको छ । दुई अर्ब २९ करोड पुँजीगत बजेट रहेको आयोजनाको आर्थिक वर्षभरि ९ प्रतिशत मात्रै खर्च भएको छ । क्षेत्रीय आयोजना कार्यान्वयन इकाइले १९ करोड ७३ लाख मात्रै खर्च गरेको हो ।
यसैगरी संघीय आयोजना कार्यान्वयन इकाइ धनगढीको ९६ प्रतिशत बजेट खर्च गरेको छ । पुँजीगत एक अर्ब ७२ करोड वार्षिक बजेट रहेको संघीय आयोजना कार्यान्वयन इकाइले एक अर्ब ३५ करोड खर्च गरेको कोष तथा लेखा नियन्त्रण कार्यालयले जनाएको छ । संघीय आयोजना कार्यान्वयन इकाइपछि हुलाकी सडक योजना कैलालीले ९५ बजेट खर्च गरेको छ । हुलाकी सडक योजना कार्यालयले ३५ करोड विनियोजित बजेटमध्ये ३३ करोड खर्च गरेको छ ।
राष्ट्रपति चुरे तराई मधेश संरक्षण कार्यक्रमको ९५ प्रतिशत खर्च भएको छ । कोष तथा लेखा नियन्त्रण कार्यालयका अनुसार ३४ करोड पुँजीगत बजेट रहेको राष्ट्रपति तराई मधेश संरक्षण कार्यक्रमले ३२ करोड खर्च गर्दै ९५ प्रतिशत प्रगति हासिल गरेको छ । यस्तै रानी जमरा कुलरिया सिँचाइ आयोजनाको ५७ प्रतिशत प्रगति गर्दै एक अर्व ५६ करोड खर्च गरेको छ ।
क्याटेगोरी : बिबिध
ताजा अपडेट
- पौडेललाई थुनामा पठाउने आदेश
- गण्डकी प्रदेशका मुख्यमन्त्री तथा मन्त्रीद्वयद्वारा शपथ ग्रहण
- पशुपतिनाथका चारवटै ढोका असार १ गतेदेखि बिहान ४ बजे नै खोलिने
- सवारी प्रदूषण नियन्त्रणमा कडाइ गर्दै चन्द्रागिरि: निःशुल्क सवारी साधन परीक्षण शिविर सञ्चालन
- धार्मिक पर्यटन प्रवर्द्धनका लागि सम्भावना खोज्दै जैमिनी
- सेयर बजारले पत्याएन बजेटलाई
- ‘गणतन्त्रका उपलब्धि संस्थागत गरौँ’
- गण्डकीको मुख्यमन्त्रीमा पाण्डे नियुक्त
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया