काठमाडौं ।
नेपाल युवा उद्यमी मञ्चले सातौँ महिला उद्यमी सम्मेलन–२०२१ काठमाडौँमा सम्पन्न गरेको छ । सम्मेलनमा १ सय ५० भन्दा बढीको सहभागिता थियो । विगत सात वर्षदेखि माघको पहिलो हप्ता कार्यक्रमको आयोजना हुँदै आएको थियो । यस वर्ष पनि विश्वव्यापी महामारीका कारण भर्चुअल माध्यमबाट सम्मेलनको आयोजना गरिएको थियो ।
लक्ष्मी बैंक लिमिटेडको प्रायोजनमा भएको सम्मेलन ‘वुमन हु इन्सपायर : इन द टाइम अफ क्राइसिस, लुक्स फर अपरचुनिटिज’ भन्ने नाराका साथ आयोजना गरिएको थियो । त्यसैगरी कार्यक्रमको स्पोन्सर तथा ज्ञान पार्टनर अन्तर्राष्ट्रिय श्रम संगठन, कारखाना, डिजाइन पार्टनर एक्ट ३६०, प्रविधि पार्टनर भायानेट र भुक्तानी पार्टनर इ–सेवा रहेका थियो । यस कार्यक्रमले महिला उद्यमशीलतालाई प्रवद्र्धन गर्दै आएको छ ।
यस कार्यक्रममा जम्मा भएको रकम पछि दिदी फाउन्डेसनलाई हस्तान्तरण गरिनेछ । कार्यक्रममा, उद्यमी, श्रमिक महिला, विभिन्न व्यवसायीहरुलगायत विभिन्न विज्ञहरु र विद्यार्थीहरुको उपस्थिति रहेको थियो । कार्यक्रममा विभिन्न विज्ञहरुको सम्बोधन, प्रेरक वक्ताहरुको प्रस्तुति, प्यानलमा छलफलको लागि आमोको तर्फबाट आयुषा श्रेष्ठ, बियुटी बारबाट इच्छा कार्की, वाइल्ड अर्थ नेपालको तर्फबाट क्यारोल दनहम र लिटल इन्जिनियरको तर्फबाट राना इल केमाइटिली रहेका थिए । कार्यक्रमको प्रस्तोता मिस युनिभर्स–२०१८, मनिता देवकोटा थिइन् । यसैगरी यस कार्यक्रममा नेपालका विभिन्न उदीयमान संस्थाहरु, खानपिन, स्विट फिक्स, अजिसलगायत वर्कहव जस्ताको सहभागिता थियो ।
कार्यक्रममा राष्ट्रिय युवा परिषद्का कार्यकारी सञ्चालक माधव प्रसाद ढुङगेलले महिला उद्यमीहरुलाई प्रोत्साहन गर्न नेपालको हरेक क्षेत्रमा महिलाको सहभागिता हुनुपर्ने बताए । साथै अन्तर्राष्ट्रिय श्रम संगठनका संयोजक प्रकाश शर्माले महिला उद्यमीहरुले कोभिड–१९ को बेला भोग्नुपरेको चुनौतीहरु र नीतिबारे व्याख्या गर्दै महिला उद्यमीहरुलाई प्रोत्साहन दिँदै सम्मेलनको समापन गरेका थिए ।
क्याटेगोरी : बिबिध
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया