नेपाल निजामती कर्मचारी युनियनको आठौँ महाधिवेशन माघ ८ गतेदेखि
काठमाडौं । नेपाल निजामती कर्मचारी युनियनको आठौ महाधिवेशन माघको ८ देखि १० गतेसम्म काठमाडौंमा हुने भएको छ । यस्तै आठौँ महाधिवेशनको सम्पूर्ण तयारी सकिएको युनियनले जनाएको छ । महाधिवेशनअन्तर्गत सम्पूर्ण जिल्ला, केन्द्रीय सचिवलाय तथा विभागीय अधिवेशनहरु सम्पन्न भइसकेर मतदाताको नामावलीलाई अन्तिम रुप दिने काम भइरहेको युनियनले जनाएको छ ।
कोरोना महामारी ह्वात्तै बढेको अवस्थामा युनियनको महाधिवेशनमाथि प्रश्न उठिरहेका बेलामा युनियनको वर्तमान नेतृत्व सरकारसँग अनुमति लिएर स्वास्थ्य मापदण्ड कडाइका साथ अपनाएर आफ्नो आठौँ महाधिवेशन गर्न लागेको हो । युनियनका उपमहासचिव दुर्गा फुयाँलले महाधिवेशनमा सहभागि युनियनकर्मीलाई कसरी सुरक्षित रुपमा महाधिवेशनमा सहभागि गराउने भन्ने विषयमा छललफल भइरहेको बताए । उनले सरकारसँग अनुमति लिएर महाधिवेशन तोकिएको समयमा नै गराउने स्पष्ट पारे ।
कोरोनाको संक्रमण बढेपछि सरकारले आउदो माघ १२ गते सातै प्रदेशमा राष्ट्रियसभाको निर्वाचन गर्दै छ । त्यस्तै माघ ७ गते इन्जिनियर्स एसोसिएसनको पनि महाधिवेशनका लागि मतदान हुँदै छ । लामो समय रोकिएको इन्जिनियर्स एसोसिएसन महाधिवेशनको मतदान माघ ७ गतेका लागि तोकिएको छ ।
त्यस्तै एमाले निकट नेपाल निजामती कर्मचारी संगठनको समेत महाधिवेशन माघको १४ गतेदेखि १६ गतेसम्म हुँदै छ । निजामती कर्मचारी युनियनको महाधिवेशन माघमा तोकिएकै समयमा गर्नै पर्ने बाध्यता भएकाले कुनै पनि हालतमा नरोकिने बताइएको छ । युनियनको वर्तमान कार्यसमितिको म्याद चैतसम्म मात्र भएकाले स्वास्थ्य मापदण्ड पालना गरेर यही मितिमा महाधिवेशन गर्ने तयारी गरिएको हो ।
अहिले लकडाउनकै अवस्था नभएको र पछाडि अझ कोरोनाको संक्रमण बढ्दै गएको अवस्थामा लकडाउन भएमा युनियनको वैधानिकतामाथि प्रश्न उठ्ने भएकाले पनि युनियनको वर्तमान नेतृत्व समयमा नै महाधिवेशन गराउनलागेको उपमहासचिव दुर्गाप्रसाद फुँयालले जानकारी दिए ।
क्याटेगोरी : बिबिध
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया