‘म बनाउँछु रिब्दीकोट’अन्तर्गत ४० लाख रुपैयाँबराबरको श्रमदान
पाल्पाको रिब्दीकोट गाउँपालिकाले अगाडि सारेको ‘म बनाउँछु रिब्दीकोट’ कार्यक्रमअन्तर्गत ४० लाख रुपैयाँ बराबरको श्रमदान भएको छ । गाउँपालिकाका अध्यक्ष नारायणबहादुर कार्कीले यो कार्यक्रमले गाउँपालिकावासीमा भाइचारासमेत कायम राखेको बताए । श्रमदान केवल श्रममात्र नभएर आपसी सदभाव, स्थानिय विकास तथा स्वास्थ्यसँग पनि जोडिएको उनी बताउँछन् ।
पछिल्लो समयमा श्रमदानको परिपाटी अतिन्यून भएको भन्दै उनले अब क्रमिकरूपले श्रमदान स्वस्थ र समाजको लागि अपरिहार्य रहेछ भन्ने भावनाको विकास हुँदै गएको बताए । यद्यपि उनका अनुसार ग्रामीण क्षेत्रमा अझै पनि श्रमदान संस्कृति पूर्णरूपले हराएको छैन, तर शहरमा भने हराइसकेको छ ।
यस्तै, उनले यहाँको जनताको सामाजिक, आर्थिकस्तर उकास्नका लागि गाउँपालिकाले उच्चतम प्रयास गरिरहेको बताए । चालु आर्थिक वर्षमा यहाँका एक हजार आठ सय जनाभन्दा बढी नागरिकलाई विशेषज्ञ स्वास्थ्य सेवा दिएको उनले जानकारी दिए । यसैगरी उनले गाउँपालिकाका जेष्ठ नागरिकहरूलाई लुम्बिनीको भ्रमण गराएर जीवन जिउने कला सिकाएको बताए । यस्तै, उनले कृषि उत्पादन वृद्धिका लागि कृषकलाई निःशुल्क तथा ५० प्रतिशत अनुदानमा बीउविजन, कृषि सामग्रीहरू पनि वितरण गरेको बताए ।
गाउँपालिकाका प्रमुख प्रशासकीय अधिकृत मदन अर्याल चालु आवमा गाउँपालिकाले करिब ६५ प्रतिशतभन्दा धेरै भौतिक प्रगति गरिसकेको बताउँछन् । चालु आर्थिक वर्षका लागि विनियोजित कुल ५५ करोड ५४ लाख ९३ हजार रुपैयाँमा चालुतर्फ ३५ करोड ५२ लाख रुपैयाँमा ५१ प्रतिशत खर्च भएको र पुँजीगततर्फको २० करोड दुई लाख रुपैयाँमा २५ प्रतिशत खर्च भएको गाउँपालिकाले जनाएको छ ।
क्याटेगोरी : गाउँ पालिका
ट्याग : #Page 8
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया