सफ्ट्वेरिका कलेजका १० जना विद्यार्थी बेलायत जाने
काठमाडौं । ‘कभेन्ट्री युनिभर्सिटी इमरसन २०२३’ मा सहभागी हुन सफ्ट्वेरिका कलेजका १० जना नेपाली विद्यार्थी बेलायत जाने भएका छन् । कलेजले प्रत्येक वर्ष विद्यार्थीहरूलाई कोभेन्ट्री इमरसन कार्यक्रममा भाग लिन पठाउने गरेको छ । सोहीअनुसार यस वर्ष १० जना विद्यार्थी बेलायत जान लागेका हुन् ।
यस कार्यक्रमको मुख्य उद्देश्य विद्यार्थीहरूलाई व्याख्यान कक्षा, कार्यशाला, अनुभव–साझेदारी सत्र र समूह छलफलजस्ता विभिन्न गतिविधिमार्फत यूके शिक्षा विधिहरूमा व्यावहारिक, हातेमालो अनुभव प्राप्त गर्ने अवसर प्रदान गर्ने रहेको कलेजले जनाएको छ । क्याम्पस प्रमुख प्रमोद पौडेलका अनुसार विद्यार्थी फर्केपछि उनीहरूले आफ्नो नयाँ सिपको उपयोग गरी आफ्नो संस्थामा राम्रो सिक्ने वातावरण सिर्जना गर्ने अपेक्षा गरिएको छ । उनले विद्यार्थीहरूलाई सिकाइ अनुभवमा पूर्णतया सहभागिता जनाउन र भ्रमण सफल बनाउन सम्पूर्ण खर्चको साथै सबै जिम्मेवारी कलेजले लिएको जानकारी दिए ।
भ्रमणका लागि छनोट भएकी एक विद्यार्थीले यो अवसरका लागि कलेजप्रति कृतज्ञता व्यक्त गरिन् । उनी यात्राबाट नयाँ उद्देश्यका साथ फर्कन चाहन्छिन् । यस्तै, सफ्ट्वेरिकाका सक्रिय विद्यार्थीहरूसँग प्रभावकारी शिक्षण विधिहरू लागू गर्न र सिक्ने अनुभवलाई सबैका लागि अझ उत्पादक बनाउन सहकार्य गर्ने योजना बनाएकी छन् । कोभेन्ट्री युनिभर्सिटीसँगको सहकार्यमा सफ्ट्वेरिका कलेजले बिएस्सी कम्प्युटिङ, बिएस्सी इथिकल ह्याकिङ एन्ड साइबर सेक्युसिटी, एमएस्सी डाटा साइन्स एन्ड कम्प्युटेसलन इन्टेलिजेन्सजस्ता कोर्सहरू प्रदान गर्दै आएको छ । यस्तै, कलेजले सधैं विद्यार्थीहरूलाई एक्सपोजर र समग्र विकासको सुविधा प्रदान गर्न विविध कार्यक्रमहरू पनि गर्दै आएको जनाएको छ ।
क्याटेगोरी : प्रविधि / शिक्षा
ट्याग : #page 3
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया