नेपाल र कतारको समाचार एजेन्सीबीच समाचार आदानप्रदानबारे छलफल
काठमाडौँ । नेपालको सरकारी समाचार एजेन्सी रासस र कतारको ‘कतार न्यूज एजेन्सी’बीच समाचार आदानप्रदान गर्ने विषयमा छलफल भएको छ । नेपालका लागि कतारका राजदूत मिशाल बिन मोहम्मद अल अन्सारी नेतृत्वको प्रतिनिधिमण्डलको आज रासस केन्द्रीय कार्यालय अवलोकनका क्रममा सो बारे छलफल भएको हो ।
राससका कार्यकारी अध्यक्ष धर्मेन्द्र झाले राजदूत अन्सारीलाई स्वागत गर्दै राससले गर्ने समाचार उत्पादन र सम्प्रेषण प्रक्रियाबारे जानकारी गराएका थिए । राजदूत अन्सारीले स्वागतका लागि आभार व्यक्त गर्दै दुवै समाचार एजेन्सीबीच समाचार सहयोग आदानप्रदान गर्न आफूहरु तयार रहेको बताएका थिए ।
दुवै समाचार एजेन्सीबीच एकआपसमा समाचार आदानप्रदान गर्ने सम्बन्धी सम्झौता गर्ने प्रक्रिया अघि बढेको छ । सो अवसरमा रासस र ‘कतार न्यूज एजेन्सी’बीच समाचार आदानप्रदान सम्झौता गर्नेलगायत विषयमा छलफल भएको राससका नायब महाप्रबन्धक सोमनाथ लामिछानेले जानकारी दिए ।
कार्यालय अवलोकनका क्रममा उनलाई राससका प्रमुख समाचारदाता उत्तम सिल्वालले समाचार सङ्कलनको प्रक्रिया र प्रधानसम्पादक एकराज पाठकले समाचार सम्प्रेषणबारे जानकारी गराएका थिए ।
भेटमा राससका महाप्रबन्धक सिद्धराज राई, नायब महाप्रबन्धकद्वय राजु शाक्य र श्यामप्रसाद रिमाल उपस्थित थियो । राजदूत अन्सारीका साथ कतारको सञ्चार मन्त्रालयका निर्देशक शेख अल हरिथ सुहैम अल थानी, मन्त्रालयकै अली अब्दुल्ला एजे अल तमिमी र दूतावासका द्वित्तीय सचिव नासेर घानिम सहभागी थिए ।
क्याटेगोरी : समाचार
ताजा अपडेट
- कांग्रेसको अवरोधपछि प्रतिनिधि सभा बैठक स्थगन
- कांग्रेसको अवरोधपछि राष्ट्रियसभा बैठक स्थगन
- सगरमाथा आधार शिविरतर्फ पठाइयो ‘विश्व शान्ति दीप’
- तीन विदेशी महिला दुई केजी छ सय ५४ ग्राम लागुऔषधसहित पक्राउ
- विकासलाई अगाडि बढाउन राष्ट्रिय शक्तिलाई निर्णायक तहमा पुर्याउनुपर्छ: अध्यक्ष ओली
- आन्दोलनरत आम सम्पर्क मञ्च र भन्सा कार्यालय बिच बार्ता
- पूर्वप्रधानसेनापति सिंहको निधन
- भारतद्वारा इरान बन्दरगाह सम्झौतामा अमेरिकी प्रतिबन्धको धम्की अस्वीकार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया