दोलखा, पुस ११
दोलखाको उत्तरी क्षेत्र बिगु गाउँपालिका ८ खोपाचागुकी एक गम्भीर सुत्केरी महिलाको हेलिकप्टरमार्फत उद्धार गरिएको छ । बिगु गाउँपालिका वडा नम्वर ८ का १७ वर्षीया शुषमा श्रेष्ठलाई महिला बालबालिका तथा जेष्ठ नागरिक मन्त्रालयले हेलिकप्टरमार्फत उद्धार गरी काठमाडौँ लगिएको हो । सुत्केरी बेथा लागेको लामो समयसम्म पनि बच्चा नजन्मिएपछि श्रेष्ठलाई खोपाचागु स्वास्थ्य चौकीले बिहीबार बिहान प्रस्तावित चरिकोट अस्पतालमा रिफर गरेको थियो ।
एम्बुलेन्समा बिहान ८ बजे प्रस्तावित चरिकोट अस्पतालमा आइपुगेका बिरामीको अवस्था चिन्ताजनक रहेको भन्दै विहान ८ः३० मा सल्यक्रिया गरिएको थियो । बेथा लागेको लामो समय भइसकेको र बच्चा अड्किएको कारण आमा र बच्चा दुवैलाई खतरा हुने भएकाले तत्कालै अप्रेशन गरी बच्चा निकालिएको डा. विनोद डङ्गोलले बताए । अप्रेसनपछि सुत्केरीको स्वासप्रस्वासको गति बढेको र आईसीयूमा राखी थप उपचार गर्नुपर्ने र चरिकोटमा आईसीयू नभएकाले तत्काल हेलिकप्टरमार्फत काठमाडौँ रिफर गरिएको प्रमुख डाक्टर डङ्गोलले जानकारी दिए । सुत्केरी महिलालाई तत्काल काठमाडौँ लगि उपचार गर्नुपर्ने भएपछि महिला तथा बालबालिका मन्त्रालयले तत्काल उद्धारको लागि हेलिकप्टर उपलब्ध गराएका हो ।
सुत्केरी बेथा लाग्ने विभिन्न चरणअनुसार लामो समयसम्म बच्चा नजन्मिदा आमा र बच्चा दुवैको लागि खतरा हुन सक्ने भएको र अप्रेसन गरी बच्चा निकाली सुत्केरी महिलालाई काठमाडौँ रिफर गरिएको डा. डङ्गोलले बताए । अप्रेसन गरी निकालिएको बच्चाको अवस्था भने सामान्य रहेको अस्पतालले जनाएको छ ।
क्याटेगोरी : बिबिध
ताजा अपडेट
- क्यान्सर रोगका क्षेत्रमा नेपालमा सहकार्य गर्दै बैंगलोरको एचसीजी अस्पताल
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
- बागलुङमा सुन्तला खेतीप्रति कृषकको आकर्षण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया