पहिरोको कारण गौरीशंकर फेदीका १० घर विस्थापित, विद्युत् र खानेपानी अवरुद्ध
दोलखा । गौरीशंकर गाउँपालिका वडा नम्बर ९ फेदीमा शनिबार राति परेको अविरल वर्षासँगै गएको पहिरोले १० घरपरिवार विस्थापित भएका छन् । गाउँभन्दा तलबाट निरन्तर पहिरो बगिरहेकाले यहाँका घर उच्च जोखिम रहेको र सुरक्षित स्थानमा सार्ने काम भइरहेको गाउँपालिका उपाध्यक्ष श्यामसुन्दर तामाङले जानकारी दिए ।
पहिरोले फेदी गाउँका स्थानीयले प्रयोग गरेको खानेपानी पाइप तथा ट्यांकी भत्काएको हुँदा गाउँमा खानेपानी समस्या समेत देखिएको छ । उनीहरूलाई खानेपानी भएको सुरक्षित ठाउँमा सार्न वडालाई निर्देशन दिएको उपाध्यक्ष तामाङले बताए । त्यस्तै पहिरोले विद्युत्को पोल ढालेर गाउँ जलविद्युत् अवरुद्ध बनाएको छ । यसअघिको पहिरोले वडा नम्बर–९ सिमीगाउँका १९ घरपरिवार विस्तापित भएका थिए । गाउँपालिकामा यस वर्ष बाढी–पहिरोले ४५ घरपरिवार विस्थापित भएका छन् भने सयौँ रोपनी खेतीयोग्य जमिन बगाएको छ । दोलखामा पहिरोका कारण मानवीय क्षति नभए पनि दुई दर्जन बढी घरमा क्षति पुगेको छ भने करिब दुई सय घरपरिवार पहिरोको उच्च जोखिममा परेका छन् ।
त्यसैगरी पहिरोले जिल्लाको तामाकोशी गाउँपालिकाको मालुखोला बेँसी, गौरीशंकर गाउँपालिकाको फेदी बेँसी, कालिञ्चोक गाउँपालिकाको लापिलाङमा सयौँ रोपनी खेतीयोग्य जमिन बगाएर धान, कोदो तथा मकैको बाली नष्ट गरेको छ । गत वर्षको तुलनामा यस वर्ष धेरै वर्षा भएको हुँदा जिल्लामा बाढी–पहिरोका घटना वृद्धि भएको हो ।
क्याटेगोरी : नेपाल
ताजा अपडेट
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
- बागलुङमा सुन्तला खेतीप्रति कृषकको आकर्षण
- सरकारले १३ अर्ब ३३ करोड ऋण स्वीकार गर्ने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया