चिनियाँ क्यासिनो सञ्चालक बैंककमा पक्राउ
थाइल्याण्ड । अवैध अनलाइन क्यासिनो सञ्चालन गरेको आरोपमा अन्तर्राष्ट्रिय पक्राउ पुर्जी जारी गरिएका एक विवादास्पद चिनियाँ व्यवसायीलाई बैंककका अधिकारीहरूले हिरासतमा लिएको थाई प्रहरीले शनिबार पुष्टि गरेको छ । उनी चिनियाँ प्रहरीबाट फरार रहँदै आएका थिए ।
उनले कम्बोडिया र म्यान्मारको कायिन राज्यको श्वे कोक्कोमा विवादास्पद ठूला आयोजना र क्यासिनो खेलका साथै फिलिपिन्समा चिठ्ठा खेलाउने धन्दा चलाएको विभिन्न सञ्चारमाध्यमले जनाएका छन् । थाइ प्रहरीले उनलाई सुपुर्दगीका लागि अनुरोध गर्न बाँकी रहेको भन्दै बुधबार राति अध्यागमन हिरासतमा लिएपछि उनको थाई भिसा रद्द गरिएको जनाएको छ ।
थाई प्रहरी अधिकारीले भने, ‘सरकारी वकिलले अर्को हप्ता फौजदारी अदालतमा (अस्थायी गिरफ्तारी) का लागि अनुरोध पेश गर्नेछन् ।’ इन्टरपोलले मे २०२१ मा प्रकाशित गरेको रेड नोटिसमा उनी चीनमा क्यासिनो सञ्चालनसँग सम्बन्धित आपराधिक आरोपको सामना गरिरहेको र उनलाई अधिकतम १० वर्षको जेल सजाय हुनसक्ने उल्लेख छ ।
सन् २०१८ को जनवरीदेखि सन् २०२१ को फेब्रुअरीसम्म ‘आपराधिक गिरोह’को नेतृत्व गर्ने ती संदिग्धले अन्यसँग मिलेर कम्पनी दर्ता गर्ने, अनलाइन जुवा खेल्ने प्लेटफर्मको अनुसन्धान र विकास गर्ने काम गरेको ‘रेड नोटिस’मा उल्लेख छ । होङशुलिन, यिगौ र यियु इन्टरनेसनलजस्ता अनलाइन गेमिङ (जुवासम्बन्धी) वेबसाइटहरू स्थापना गरेको र तीनमा तीन लाखभन्दा बढी जुवाडेहरू भर्ती गरेको आरोप उनीविरूद्ध रहको छ ।
‘रेड नोटिस’मा भनिएको छ, ‘शे झिजियाङले प्राप्त गरेको अवैध आय कुल १५ करोड चिनियाँ युआन (२ करोड २२ लाख अमेरिकी डलर) भन्दा बढी रहेको र यो रकम विदेशमा स्थानान्तरण गरिएको छ ।’ थाइ सञ्चारमाध्यमका अनुसार उनको सञ्जालमा परी ठगिएका एक चिनियाँ नागरिकले ठूलो रकम हिनामिनापछि आत्महत्या गरेका थिए । उनीसँग कम्बोडियाको राहदानी भए पनि चीनको हुनान प्रान्तमा जन्मिएको उल्लेख ‘रेड नोटिस’मा उल्लेख छ । उनलाई सन् २०१७ मा कम्बोडियाको नागरिकता प्रदान गरिएको थियो तर वास्तविक अवस्था अस्पष्ट रहेको ‘फ्रन्टियर म्यान्मार’ ले जनाएको छ ।
कम्बोडियाली सरकारले आफ्नो ढुकुटीमा कम्तीमा दुई लाख ५० हजार अमेरिकी डलर दान गर्ने विदेशीलाई नागरिकता दिन सक्ने त्यहाँको कानुनी प्राबधान भए अनुसार उनले नागरिकता पाएको हुनसक्ने बताइएको छ । चीन र थाइल्याण्डबीच सुपुर्दगी सन्धि गरिएको भए पनि यो प्रक्रियाका लागि केही महिना लाग्न सक्ने थाई अधिकारीले बताएका छन् ।
क्याटेगोरी : विश्व बजार
ताजा अपडेट
- क्यान्सर रोगका क्षेत्रमा नेपालमा सहकार्य गर्दै बैंगलोरको एचसीजी अस्पताल
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
- बागलुङमा सुन्तला खेतीप्रति कृषकको आकर्षण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया