काठमाडौंबाट दुबई उडेको जहाजमा चरा ठोक्किए पनि सकुशल अवतरण
काठमाडौं , सोमबार राति फ्लाई दुबईको एफजेट ५७६ उडान नम्बरको जहाजमा काठमाडौंस्थित त्रिभुवन विमानस्थलबाट उड्नेबित्तिकै चरा ठोक्किएको छ । विमानस्थलबाट राति ९ बजेर २३ मिनेटमा उडेको विमानमा काठमाडौंको आकाशमै चरा ठोक्किएको विमान कम्पनीका प्रतिनिधिले बताएका हुन् ।
दुबईको एक सञ्चारमाध्यम द न्याशनलन्युजसँग कम्पनीका प्रतिनिधिले भनेका छन्, ‘फ्लाईदुबईको एफजेट ५७६ उडान काठमाडौं विमानस्थलबाट उड्नेबित्तिकै चरा ठोक्किएको थियो । सबै मापदण्ड अनुसरण गरी उडानलाई निरन्तरता दिइएको हो ।’
जहाज उडेलगत्तै राति काठमाडौंको आकाशमा विमानको अघिल्तिर इन्जिन विस्फोट भएजस्तो उज्यालो देखिएको थियो । उक्त फुटेज सामाजिक सञ्जालमा भाइरल बनेका छन् । त्यसलगत्तै काठमाडौंमै विमानलाई आकस्मिक अवतरण गराउने प्रयास गरिएको थियो ।
सो क्रममा विमानले काठमाडौंको आकाशमा निकै बेर फन्को मारेपछि विमान गन्तव्यतर्फ नै सोझिएको थियो । त्रिभुवन विमानस्थलका प्रमुख प्रतावपबाबु तिवारीका अनुसार चालकदलले समस्या समाधान भएकाले गन्तव्यतर्फ नै उडेको जानकारी गराएका थिए । त्यसअघि नै विमानस्थलले विमानको आकस्मिक अवतरणको लागि सम्पूर्ण तयारी गरिसकेको थियो । दुबई उडेको उक्त विमानमा १७५ जना यात्रु रहेका थिए ।
विमानमा समस्या भएको देखिएपछि आकस्मिक अवतरणका लागि अन्य आधा दर्जन बढी विमानहरुलाई काठमाडौंकै आकाशमा ‘होल्ड’ गराइएको थियो । फ्लाई दुबईको विमान दुबईतर्फ नै गएपछि पर्खिरहेका विमानहरुलाई क्रमशः अवतरण गराइएको विमानस्थलले जनाएको छ ।
क्याटेगोरी : समाचार
ट्याग : #Page 1
ताजा अपडेट
- पेमेन्ट गेटवे प्रकरणमा पौडेललाई ९ वर्ष कैद र २३ करोड जरिबाना
- डीएसपी थापा र बिचौलिया मालीको सेटिङमा जाहेरी नै गायब !
- सुनकोशी मरिन डाइभर्सनको बाँकी काम निर्धारित समयमै सम्पन्न होस् : प्रधानमन्त्री
- चौबिस दिनमा आगलागी, डढेलो र चट्याङबाट सत्ताइस जनाको मृत्यु
- पहाडी र तराई क्षेत्रका केही स्थानमा वर्षा हुने
- आज श्रद्धापूर्वक मातातीर्थ औँसी मनाइँदै
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया