महिन्द्राको सर्भिस सेन्टर कुपण्डोलमा

काठमाडौं । महिन्द्रा फोर ह्वीलरको आधिकारिक बिक्रेता अग्नि ग्रुपको बालाजु अटो वर्कसपले ललितपुरको कुपण्डोलमा नयाँ ट्विन पीक २ एस सर्भिस सेन्टर सञ्चालनमा ल्याएको छ ।

यस २ एस सर्भिस सेन्टरको उद्घाटन सोमबार महिन्द्रा एन्ड महिन्द्राका क्षेत्रीय प्रबन्धक जोइदीप मोइत्रा, अग्नि ग्रुपका प्रबन्ध निर्देशक क्याबिनेट श्रेष्ठ, कार्यकारी निर्देशक सुसन श्रेष्ठलगायतको उपस्थितिमा सामूहिकरुपमा गरिएको थियो । यो नयाँ सेवा केन्द्र स्थापना गर्नुको उद्देश्य ललितपुर र वरपर बसोबास गर्ने ग्राहकहरूलाई सुविधाजनक पहुँच र समयमै सहयोग सुनिश्चित गर्नु रहेको कम्पनीले जनाएको छ । अग्नि ग्रुपले हाल नेपालभरि रहेका आफ्ना नेटवर्कहरूबाट सेवाग्राहीलाई गुणस्तरीय सेवा दिइरहेको छ ।