साना किसान लघुवित्त वित्तीय संस्थाको दोस्रो त्रैमासिक नाफा ३१ करोड ७३ लाख

काठमाडौं  ।
साना किसान लघुुवित्त वित्तीय संस्थाले चालू आर्थिक वर्षको दोस्रो त्रैमासिक अवधिमा ३१ करोड ७३ लाख ९६ हजार रुपैयाँ खुद मुनाफा आर्जन गरेको छ । गत आवको सोही अवधिमा संस्थाको यस्तो नाफा ३० करोड १७ लाख पाँच हजार रुपैयाँ रहेको थियो । हाल चुक्ता पुँजी एक अर्ब २५ करोड दुई लाख ८६ हजार रुपैयाँ रहेको संस्थाले चालू आवको दोस्रो त्रैमासिक अवधिमा २१ अर्ब सात करोड छ लाख ८५ हजार रुपैयाँ कर्जा प्रवाह गरेको छ ।

सो अवधिमा ६० करोड ५६ लाख ४२ हजार रुपैयाँ खुद ब्याज आम्दानी गरेको संस्थाको प्रोभिजन रकम सात करोड ९८ लाख ९८ हजार रुपैयाँ रहेको छ भने निष्क्रिय कर्जाको अनुपात शुन्य दशमलव ९७ प्रतिशत रहेको छ । गत आवको सोही अवधिमा भने संस्थाले २१ अर्ब १५ करोड ४६ लाख ८० हजार रुपैयाँ कर्जा प्रवाह गरेकोमा ५३ करोड ८८ लाख ७७ हजार रुपैयाँ खुद ब्याज आम्दानी गरेको थियो । उक्त अवधिमा चार करोड १६ लाख ३४ हजार रुपैयाँ खुद ब्याज आम्दानी गरेको संस्थामा शून्य दशमलव ६६ प्रतिशत कर्जा निष्क्रिय रहेको थियो ।