बेल्ट एण्ड रोड फोरमका लागि रुसी राष्ट्रपति भ्लादिमिर पुटिन चीनमा
काठमाडौं । रुसी राष्ट्रपति भ्लादिमिर पुटिन अक्टोबर १७ र १८ तारिखमा हुने तेस्रो ‘बेल्ट एण्ड रोड फोरम फर इन्टरनेशनल को–अपरेशन’ (बीआरएफआईसी)मा सहभागी हुन बेइजिङ पुगेका छन् । उनी चिनियाँ राष्ट्रपति सि चिनफिङको निमन्त्रणमा आज बिहान(मंगलबार) बेइजिङ पुगेका हुन् ।
उक्त फोरममा एक सय ३० देशका नेताहरूले बीआरएफआईसीअन्तर्गतका अन्तर्राष्ट्रिय परियोजनाहरूमा छलफल गर्नेछन् । यद्यपि इजराइल र हमास युद्धका कारण यो बैठक ओझेलमा पर्ने अन्तर्राष्ट्रिय संस्थाहरूको विश्लेषण छ ।
त्यसैगरी, हेगमा रहेको अन्तर्राष्ट्रिय फौजदारी अदालत (आईसीसी)ले रुसी नेतालाई युक्रेनबाट अवैधरूपमा बालबालिकालाई देश निकाला गरेको आरोप लगाउँदै गत मार्चमा पुटिनविरुद्ध गिरफ्तारी वारेन्ट जारी गरेपछि उनको यो नै पहिलो भ्रमण हो । चीन आईसीसीको सदस्य भएका एक सय २३ देशमध्ये होइन ।
यस महिनाको सुरुमा पुटिनले किर्गिस्तानको भ्रमण गरे तर यस वर्ष उनले भ्रमण गरेका पूर्व सोभियत गणतन्त्र देशहरू बाहेक चीन नै पहिलो हो । किर्गिस्तान पनि आईसीसीको सदस्य राष्ट्र होइन । युक्रेनमा युद्ध जारी रहेको समयमा बेइजिङले मस्कोसँग गरेको साझेदारीप्रति पश्चिमी देशहरूले आलोचना गरिरहेका छन् । तथापी चीनले आफ्नो देश जुनसुकै देशसँग सहकार्य गर्न तयार रहेको स्पष्ट पारेको छ ।
मस्कोले फेब्रुअरी २०२२ मा युक्रेनमा पूर्णरूपमा आक्रमण सुरु गरेदेखि छिमेकी चीन र रसियाबीच व्यापार विस्तार भएको छ । बेइजिङले रुसी तेल आयात गरेपछि अन्य देशहरूले रुसी आयातमा प्रतिबन्ध लगाएका थिए । राष्ट्रपति सि र पुटिनबिच पछिल्लो पटक यसै वर्षको मार्चमा रुसमा भेट भएको थियो । –एजेन्सी
क्याटेगोरी : विश्व बजार
ताजा अपडेट
- क्यान्सर रोगका क्षेत्रमा नेपालमा सहकार्य गर्दै बैंगलोरको एचसीजी अस्पताल
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
- बागलुङमा सुन्तला खेतीप्रति कृषकको आकर्षण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया