युरोपमा बोइङ ७३७ म्याक्सको परीक्षण उडान हुने
लन्डन, भदौ १२
युरोपेली हवाइ नियामकहरुले बोइङको अप्ठ्यारोमा परेको ७३७ म्याक्सको परीक्षण उडान तालिका निर्धारण गरेका छन् । दुईवटा दुर्घटनामा परेपछि विश्वभर ग्राउन्डेड भएका उक्त मोडलका जहाजमा प्राविधिक त्रुटि रहेको बताइएको थियो । कम्पनीले त्यसलाई सच्याइसकेको र पुनः उडानमा फर्किने अनुमति कुरिरहँदा युरोपमा विमानको परीक्षण उडान हुने भएको हो ।
युरोपेली युनियन एभिएसन सेफ्टी एजेन्सी (ईएएसए)ले आउँदो ७ सेप्टेम्बरको हप्तामा क्यानाडाको भ्यानकुवरमा परीक्षण उडान हुने बताएको छ । बोइङको यो मोडलको जहाज धेरै बिक्री भएको थियो । दुईवटा दुर्घटनामा ३ सय ४६ जनाले ज्यान गुमाएका थिए । अमेरिकी नियामकहरुले पनि यो मोडलका जहाजको परीक्षण उडान दुई महिनाअघि नै थालेका थिए । ईएएसएले अमेरिकी नियामक निकायले अनुमति दिँदैमा युरोपमा उडान गर्न पाइहाल्ने भन्ने नहुने स्पष्ट पारेको छ ।
युरोपेली संस्थाले बोइङ र अमेरिकी फेडेरल एभिएसन एडमिनिस्ट्रेसनसँग पनि यसबारे सहकार्य गरिरहेको जनाएको छ । नियामक निकायहरुले सुरक्षामा विश्वस्त अवस्थामा मात्रै म्याक्स विमानलाई उडान अनुमति दिनसकिने बताएका छन् ।
क्याटेगोरी : विश्व बजार
ताजा अपडेट
- कांग्रेसको अवरोधपछि प्रतिनिधि सभा बैठक स्थगन
- कांग्रेसको अवरोधपछि राष्ट्रियसभा बैठक स्थगन
- सगरमाथा आधार शिविरतर्फ पठाइयो ‘विश्व शान्ति दीप’
- तीन विदेशी महिला दुई केजी छ सय ५४ ग्राम लागुऔषधसहित पक्राउ
- विकासलाई अगाडि बढाउन राष्ट्रिय शक्तिलाई निर्णायक तहमा पुर्याउनुपर्छ: अध्यक्ष ओली
- आन्दोलनरत आम सम्पर्क मञ्च र भन्सा कार्यालय बिच बार्ता
- पूर्वप्रधानसेनापति सिंहको निधन
- भारतद्वारा इरान बन्दरगाह सम्झौतामा अमेरिकी प्रतिबन्धको धम्की अस्वीकार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया