बेइजिङ ।
सन् २०२१ को पहिलो दुई महिनामा चिनियाँ अर्थतन्त्र नाटकीय रुपमा लयमा फर्किएको तथ्यांकले देखाएको छ । योसँगै कोरोना महामारीका बाबजुद विश्वकै दोस्रो ठूलो अर्थतन्त्र चाँडै पुनरुत्थान हुने देखिएको हो । चीनको औद्योगिक क्षेत्रको उत्पादन ३५.१ प्रतिशतले जनवरी र फेब्रुअरीमा बढेको छ । जुन गत वर्षको सोही अवधिको तुलनामा समानप्रायः हो ।
यद्यपि अघिल्लो वर्षसँगको तुलनामा अत्यधिक वृद्धि देखिएको हो । किनकि अघिल्लो वर्ष चीनमा अधिकांश कारखानाहरु महामारीका कारण लकडाउनमा परेका थिए । यसो हुँदाहुँदै पनि सोमबारको तथ्यांकले विश्लेषकहरुको अनुमानलाई पछि पारेको छ । सन् २०१९ मा महामारीअघिको अवस्थालाई हेर्ने हो भने चीनमा आर्थिक गतिविधि कस्तो भइरहेको छ भन्ने बुझ्न सकिन्छ । सन् २०१९ को पहिलो दुई महिनामा चिनियाँ औद्योगिक क्षेत्र १६.९ प्रतिशतले माथि उठेको थियो । विदेशमा बढ्दो मागले चिनियाँ वस्तुको उच्च निर्यात भएको थियो ।
चीनले सन् २०२१ का लागि छ प्रतिशतभन्दा धेरैको आर्थिक वृद्धिदर लक्ष्य राखेको छ । तर विश्लेषकहरुले भने आठ प्रतिशत हाराहारीमा आर्थिक वृद्धि हुने बताइरहेका छन् । गत वर्ष पनि चीन विश्वका मुख्य अर्थतन्त्रमध्ये सकारात्मक आर्थिक वृद्धि देख्ने एकमात्र देश थियो । गत वर्ष चीनले २.३ प्रतिशत आर्थिक वृद्धि हासिल गरेको थियो । चिनियाँ तथ्यांक ब्युरोकी प्रवक्ता लिउ आइहुवा चिनियाँ अर्थतन्त्र अझै पुनरुत्थान हुनुपर्ने बताउँछिन् ।
त्यस्तै चीनको खुद्रा बिक्री पनि उक्त अवधिमा ३३.८ प्रतिशतले बढेको छ । तर बेरोजगारी दर भने डिसेम्बरमा ५.२ प्रतिशत रहेकोमा बढेर ५.५ प्रतिशत पुगेको छ । अर्थशास्त्रीहरुले उद्योग क्षेत्र र निर्यातको बलियो अवस्था रहे पनि उपभोक्ता क्षेत्रको पुनरुत्थानमा ढिलाइ रहेको बताएका छन् । खुद्रा क्षेत्रको तथ्यांकअनुसार चीनको ज्वेलरी ९९ प्रतिशतले र कार ७८ प्रतिशतले बिक्री बढेको छ ।
क्याटेगोरी : विश्व बजार
ताजा अपडेट
- डिजिटल रुपान्तरणका माध्यमबाट समृद्धि हासिल गर्न सकिन्छ: मन्त्री शर्मा
- बागमती प्रदेश: दश महिनामा ट्राफिक कारबाहीबाट १४ करोड ३३ लाख राजस्व सङ्कलन
- जेठ ७ गते विश्वासको मत लिन प्रधानमन्त्रीद्वारा पत्राचार
- जानकी नवमी मिथिलामा धुमधामका साथ मनाइँदै
- प्रधानमन्त्रीद्वारा ऊर्जा क्षेत्रका आयोजनामा लगानी गर्न आह्वान
- बानेश्वरमा प्रतिपक्ष दलको बैठक सुरु
- कानुन व्यवसायी राष्ट्रिय सम्मेलनको राष्ट्रपतिद्वारा उद्घाटन
- नेपाल चेम्बर र अर्मेनियाको चेम्बरबीच व्यापार एवं सूचना प्रविधिमा सहकार्य हुने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया