म्याद सकिएका खाद्य समाग्रीहरूमा नयाँ लेभलिङ गरी बिक्रीवितरण
काठमाडौं । काठमाडौँको बालाजुस्थितमा अगद नेपाल भेन्चर प्रालिले विभिन्न म्याद गुज्रिएका खाद्य सामग्रीहरू नयाँ लेभलिङ गरी आफूखुसी महँगो मूल्यमा बिक्रीवितरण गर्नेगरेको पाइएको छ । महानगरीय अपराध महाशाखा र वाणिज्य आपूर्ति तथा उपभोक्ता संरक्षण विभागको संयुक्त अनुसन्धान टोलीले उक्त कम्पनीका सुपरभाइजर सुवास खड्कालाई नियन्त्रणमा लिई अनुसन्धान समेत थालेको छ ।
उक्त कम्पनीले आम उपभोक्ताको स्वास्थ्यमा प्रतिकूल असर पर्नेगरी म्याद सकिएको सामग्री बिक्रीवितरण गर्दै आएको गोप्य सूचना वाणिज्य विभागमा प्राप्त भएपश्चात् महानगरीय अपराध महाशाखा र वाणिज्य आपूर्ति तथा उपभोक्ता संरक्षण विभागको संयुक्त अनुसन्धान टोलीले शंकास्पद कम्पनी तथा गोदामहरू समेतमा अनुसन्धान थालेको थियो ।
अनुसन्धानको क्रममा काठमाडौँ महानगरपालिका वडा नं. १६ बालाजु स्थितमा अगद नेपाल भेन्चर प्रालिका सञ्चालक प्रभात देवले जग्गा तथा सटर भाडामा लिई जस्ताको टहरा बनाई गोदाम गरी राखेको ठूलो परिमाणमा म्याद सकिएका विभिन्न कम्पनीबाट उत्पादित खाद्य सामग्री बिस्कुटहरू, पास्ता, सेवाई, कर्नफ्लेक्सलगायतका म्याद गुज्रिएका सामानहरू भेटिएको थियो ।
साथै म्याद सकिएका सामग्रीलाई समेत मेसिनद्वारा नयाँ उत्पादन मिति तथा मूल्य रिलेभलिङ गरी थोक तथा खुद्राका लागि बिक्रीवितरण गरिरहेको अवस्थामा फेला पारेको अनुसन्धान टोलीले जनाएको छ । कम्पनीका सञ्चालन देवको गोदाम तथा भाडाको सटर समेत शिल गरी उक्त कम्पनीमा सुपरभाइजर पदमा कार्यरत चन्द्रागिरी नपा ६ बस्ने वर्ष ३१ को सुवास खड्कालाई नियन्त्रणमा लिई आवश्यक कारबाहीको लागि वाणिज्य आपूर्ति तथा उपभोक्ता संरक्षण विभाग बबरमहल काठमाडौँमा पठाइएको प्रहरीले जनाएको छ ।
साथै यसबारेमा थप अनुसन्धान कार्य समेत भई रहेकाले प्रहरीले अगद नेपाल भेन्चर प्रालिबाट विभिन्न खाद्य सामग्रीहरू लिई बिक्रीवितरण गरेका थोक तथा खुद्रा बिक्रेताहरूलाई अवोप्रान्त उक्त खाद्य सामग्रीहरू बिक्रीवितरण नगर्न निर्देशन दिएको छ । कम्पनीका सञ्चालक जिल्ला मोरङ घर भई हाल जिल्ला काठमाडौँ नयाँ बानेश्वर बस्ने प्रभात देव हाल फरार रहेको र उनको खोजी कार्य भइरहेको प्रहरीले जनाएको छ ।
क्याटेगोरी : नेपाल
ताजा अपडेट
- नेपाली अर्थतन्त्रका दुई खम्बा, निर्माण र उद्योग, निरन्तर ओरालो लाग्दै, अवस्था ‘चिन्ताजनक’
- शिवम् सिमेन्ट्सको नाफा ९ प्रतिशतले बढ्यो
- दक्षिण कोरियाले यो वर्षदेखि ‘होटल र रेस्टुराँ’मा पनि नेपाली कामदार लिने, जाने प्रक्रिया के?
- सोनापुर मिनरल्सको खुद नाफा ऋणात्मक
- लुम्बिनी, कर्णाली र सुदूरपश्चिम प्रदेशमा हल्का वर्षा हुने
- यस्तो छ आजको विदेशी मुद्राको विनियमदर
- साताको शेयर बजार : साढे १ प्रतिशतको गिरावट, औषत कारोबारमा पनि कमी
- मन्त्री परिषदको निर्णय : विश्व वन्यजन्तु कोषमार्फत प्राप्त करिब एक अर्ब २० करोड अनुदान सहायता स्वीकार गर्ने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया