काठमाडौं । अर्गानिक एसोसिएसन अफ नेपालको आयोजनामा आगामी वैशाख १ देखि पाँचौँ प्रांगारिक तथा प्राकृतिक कृषि मेला हुने भएको छ । रिर्पोर्टर्स क्लब नेपालमा बिहीबार पत्रकार सम्मेलन गरी मेलाबारे जानकारी दिइएको हो ।
अर्गानिक एसोसिएसन अफ नेपालका अध्यक्ष दिपक प्रकाश बाँस्कोटाले खाद्य शुद्धतामा मेला केन्द्रित रहेको उल्लेख गरे । अध्यक्ष बाँस्कोटाले विगतमा आफूले योजना आयोगलाई अर्गानिक कृषिलाई प्रवर्द्धन गर्न आवश्यक योजना एवम् बजेटका लागि आग्रह गरेको तर सरकारले नसुनेको उल्लेख गरे । अन्तर्राष्ट्रिय अर्गानिक विज्ञ समेतलाई ल्याएर मेलामा प्रस्तुति दिन लगाइने उनको भनाइ छ । अर्गानिकभन्दा माथि वैदिक अर्गानिक रहेको उल्लेख गरेका बाँस्कोटाले नेपाल महर्षि वैदिक फाउण्डेसनले वैदिक अर्गानिक कृषिखेतीको काम सुरु गरेको जानकारी समेत दिए । अर्गानिक अभियानलाई ग्रामीणदेखि सहरसम्म पु-याउन आवश्यक रहेको बताउँदै उनले सरकारले चाहेमा अर्गानिक कृषिमा सफलता हासिल हुनेमा दुई मत नरहेको पनि दाबी गरे ।
महर्षि वैदिक फाउन्डेसनका अन्तर्राष्ट्रिय निर्देशक किन्स्ले ब्रुकले वैदिक अर्गानिकलाई प्रवर्द्धन गर्न सके नेपालको पर्यटन विकासले फड्को मार्ने उल्लेख गरे । अर्गानिक उत्पादनको अन्तर्राष्ट्रिय बजार समेत ठूलो रहेकोले यसबाट समेत नेपालले फाइदा लिनसक्ने उनको दाबी छ । नेपाल सरकारलाई अर्गानिक उत्पादनलाई प्राथमिकतामा राख्दै अघि बढ्न समेत उनले आग्रह गरे । अर्गानिक कृषि विषादीरहित उत्पादन रहेकाले मानव स्वास्थ्यमा यसले धेरै सघाउ पुग्ने उनको भनाइ छ । महर्षि वैदिक फाउण्डेसनकी अन्तर्राष्ट्रिय निर्देशक लेस्ली ब्रुकले स्वास्थ्यका लागि खाना र पानी महत्वपूर्ण रहने बताउँदै विषादीले माटोको उर्वरतामा समेत ह्रास आउने हुँदा भविष्यको लागि पनि अर्गानिक कृषि खेतीमा लाग्न ढिलाइ गर्न नहुने बताइन् ।
त्यसैगरी एसोसिएसनकी महासचिव शान्ता बाँस्कोटा कोइरालाले नेपालको अर्गानिक उत्पादनलाई निर्यातमुखी बनाउन र अन्तर्राष्ट्रिय व्यवसायीहरुलाई समेत आकर्षित गर्न अन्तर्राष्ट्रिय अर्गानिक एग्रो फेयर गर्न लागिएको जानकारी दिइन् । मेला कञ्चनजंघा टी स्टेट एण्ड रिसर्च सेन्टर, उद्योग वाणिज्य तथा आपूर्ति मन्त्रालयअन्तर्गतको व्यापार प्रवर्द्धन निकासी केन्द्र लगायतको सहकार्यमा गर्नलागेको उनले बताइन् । कञ्चनजंघा टि इस्टेट एण्ड रिसर्च सेन्टर प्रालिकी प्रबन्धनिर्देशक समेत रहेकी बाँस्कोटाले कम्पनीले विगत २५ वर्षदेखि अनवरत रुपमा अर्गानिक उत्पादन र यसको उपभोगबाट मानव जीवनमा हासिल हुने लाभका सम्बन्धमा विविध सचेतनामूलक कार्यक्रम गर्दै आएको जानकारी समेत दिइन् ।
मेलामा ५० भन्दा बढी स्टलहरु रहनेछ । ३० लाख खर्च अनुमान गरिएको यस मेलामा एक करोडको कारोबार हुने अपेक्षा लिइएको छ । मेलाको सहआयोजकमा सांग्रिला एग्रो वर्ल्ड र बाँस्कोटा ग्रुप रहेका छन् भने व्यापार तथा निकासी प्रवर्द्धन केन्द्रसँगै घरेलु तथा साना उद्योग महासंघ, नेपाल महर्षि वैदिक फाउण्डेसन र केटीई फाउण्डेसन मेलाको सहयोगी साझेदारका रुपमा रहेका छन् ।
क्याटेगोरी : नेपाल
ताजा अपडेट
- ‘औपचारिक शिक्षा नपाएकालाई सीपमूलक तालिम प्रभावकारी हुने’
- एक महिनादेखि खानेपानीको अभाव: होटल व्यवसायी मर्कामा
- काठमाडौँ उपत्यकाको आजको तापक्रम ३३ डिग्री
- दुई हजार ६९ बिन्दुमा खुम्चियो सेयर बजार
- गणतन्त्रप्राप्तिपछि मुलुकको विकासले गति लिएको छ: अध्यक्ष नेपाल
- वैदेशिक रोजगारबाट प्राप्त रेमिट्यान्स नेपालको अर्थतन्त्रको केन्द्र बनेको छ: महामन्त्री थापा
- एकीकृत समाजवादी वर्तमान सत्तासमिकरणकै पक्षमा छ: प्रधानमन्त्री दाहाल
- भीमफेदी कार दुर्घटना: मृत्यु हुनेको सङ्ख्या तीन पुग्यो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया