काठमाडौं । मुलुकमा लगानीमैत्री, सन्तुलित र दिगो आर्थिक विकास, आन्तरिक उद्योगलाई संरक्षण गर्ने कर नीतिको उद्देश्यअनुरूप एक आर्थिक वर्षमा व्यवसायीले करिब १९ अर्ब रुपैयाँ कर छुट पाएका छन् । मुलुकमा व्यावसायिक वावातवरण तयार गर्ने तथा समअनुरूप व्यावसायिक छुट तथा सुविधा उपलब्ध गराउने उद्देश्यले कर कानुनमा गरिएको व्यवस्था तथा आर्थिक ऐनको माध्यमबाट गत आर्थिक वर्षमा व्यवसायीहरूलाई कर छुट दिइएको आन्तरिक राजस्व विभागले जनाएको छ ।
विभागले हालै सार्वजनिक गरेको कर छुट तथा सुविधासम्बन्धी विवरणमा आर्थिक वर्ष २०७८/७९ मा आएकरतर्फ १० अर्ब ७२ करोड ८२ लाख रुपैयाँ र मूल्य अभिवृद्धि करतर्फ (भ्याट) आठ अर्ब सात करोड ५७ लाख रुपैयाँ गरी कुल १८ अर्ब ८० करोड ३९ लाख रुपैयाँ कर छुट तथा सुविधा व्यववसायीलाई दिइएको छ ।
मुलुकमा औद्योगिक तथा व्यावसायिक वातावरण कायम गर्नको लागि कर छुट तथा सुविधा प्रदान गरिएको विभागका अधिकारीहरूको भनाइ छ । सरकारले सार्वजनिक गर्ने हरेक वर्षको बजेटमा कर छुट तथा सुविधा प्रदान गर्ने उल्लेख गरेको हुन्छ भने त्यसलाई सरोकारवाला निकायहरूले कार्यान्वयन गर्दै आएका छन् । गत आर्थिक वर्षको बजेटले कोभिड–१९ को महामारीबाट बढी प्रभावित भएका होटल, ट्राभल, ट्रेकिङ, चलचित्र व्यवसायजस्ता पर्यटन क्षेत्रका उद्योगका लागि सो वर्ष व्यावसायिक करयोग्य आयमा ५० प्रतिशत छुटको व्यवस्था गरिएको थियो । सोही नीतिअनुरूप आर्थिक वर्ष २०७८/७९मा कोभिडबाट प्रभावित व्यवसायीलाई २७ करोड ११ लाख रुपैयाँ छुट दिइएको छ । साथै आय कर ऐन, २०५८ को दफा ११ बमोजिम व्यावसायिक छुट तथा सुविधाबापत छ अर्ब ३४ करोड २४ लाख रुपैयाँ, अवकाश कोषमा कर छुटबापत एक अर्ब १८ करोड ४१ लाख रुपैयाँ, कोभिड–१९ को छुट तथा सुहिलयतबापत तीन अर्ब २० करोड १७ लाख रुपैयाँ, पहिलो दिन कर बुझाउने करदाताबापत दुई अर्ब १३ करोड ९१ लाख रुपैयाँ र कारोबारको आधारमा कर बुझाएबापत ७९ करोड १५ लाख रुपैयाँ आयकर छुट तथा सुविधा प्रदान गरिएको छ ।
त्यस्तै आर्थिक वर्ष २०७८/७९ कूटनीतिक मूल्य अभिवृद्धि कर फिर्तातर्फ २३ करोड रुपैयाँ र करदातालाई मूल्य अभिवृद्धि कर फिर्तातर्फ सात अर्ब ८४ करोड ५७ लाख रुपैयाँ रकम प्रदान गरिएको छ । वस्तु तथा सेवाको मूल्यमा भएको वृद्धि रकममा लाग्ने कर मूल्य अभिवृद्ध करबापत सो रकम फिर्ता गरिएको हो । कर कट्टी तथा कर फिर्ता व्यवस्थालाई मूल्य अभिवृद्धि करको सिद्धान्तअनुसार प्रभावकारीरूपमा लागू गर्नुपर्ने सरोकारवालाहरूले बताउँदै आएका छन् ।
अर्थ मन्त्रालयले सन् २०२३ को पहिलो त्रैमासिकमा विश्व अर्थतन्त्रमा देखिएको अहसज स्थिति र श्रमबजारको उतारचढावको बाबजुद पनि समग्र आर्थिक स्थिति तुलनात्मकरूपमा सबल रहेको बताएको छ । यसअघि उच्च इन्धन र खाद्य वस्तुको मूल्य क्रमशः घट्दै गएको बताएको छ । त्यसैले कर तथा मूल्य अभिवृद्धि करका छुट तथा सुविधाहरू आगमी दिनमा सुधार हुँदै जाने दाबी मन्त्रालयको छ ।
क्याटेगोरी : समाचार
ट्याग : #Page 1
ताजा अपडेट
- कांग्रेसको अवरोधपछि प्रतिनिधि सभा बैठक स्थगन
- कांग्रेसको अवरोधपछि राष्ट्रियसभा बैठक स्थगन
- सगरमाथा आधार शिविरतर्फ पठाइयो ‘विश्व शान्ति दीप’
- तीन विदेशी महिला दुई केजी छ सय ५४ ग्राम लागुऔषधसहित पक्राउ
- विकासलाई अगाडि बढाउन राष्ट्रिय शक्तिलाई निर्णायक तहमा पुर्याउनुपर्छ: अध्यक्ष ओली
- आन्दोलनरत आम सम्पर्क मञ्च र भन्सा कार्यालय बिच बार्ता
- पूर्वप्रधानसेनापति सिंहको निधन
- भारतद्वारा इरान बन्दरगाह सम्झौतामा अमेरिकी प्रतिबन्धको धम्की अस्वीकार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया