दाङमा बस दुर्घटनाहुँदा १४ यात्रु घाइते

तुलसीपुर (दाङ) । ग१ख ८४८५ नम्बरको यात्रुबाहक बस पोखराबाट सुर्खेत जाँदै गर्दा दाङमा दुर्घटना भएको छ । पूर्व–पश्चिम राजमार्गको बबईसोता पुलको ‘साइड’मा बस दुर्घटनाहुँदा १४ यात्रु घाइते भएका छन् ।

बस सडकदेखि १० मिटर तल खसेको र घाइतेको लमही अस्पतालमा उपचार भइरहेको वडा प्रहरी कार्यालय लमहीका प्रमुख प्रहरी निरीक्षक शङ्कर श्रेष्ठले बताए । बसमा रहेका १६ जना यात्रु मध्ये दुई जनालाई सकुसल उद्धार गरिएको प्रहरीले जनाएको छ । सवारी चालक रामेछाप सुनपति गाउँपालिका–३ निवासी ३३ वर्षीय रामकृष्ण खड्कालाई प्रहरीले नियन्त्रणमा लिएको छ ।