तत्कालीन प्रदेशसचिव अधिकारीसहित चारविरुद्ध भ्रष्टाचार मुद्दा
काठमाडौं । कृषि यान्त्रिकीकरण कार्यक्रमअन्तर्गत कम गुणस्तरको कृषि उपकरण प्रदान गर्ने आपूर्तिकर्तालाई भुक्तानी गरी सरकारी सम्पत्तिको दुरुपयोग गरेको आरोपमा लुम्बिनी प्रदेशका तत्कालीन प्रदेशसचिव बैकुण्ठ अधिकारीसहित चार जनाविरुद्ध विशेष अदालतमा मुद्दा दायर भएको छ । अख्तियारले करिब साढे एक करोड रुपैयाँ मागदाबीसहित विशेष अदालतमा मुद्दा दायर गरेको हो ।
तोकिएको मापदण्डविपरीत कृषि उपकरण आपूर्ति गरी सरकारी रकम हिनामिना गरेको कसुरमा अख्तियार दुरुपयोग अनुसन्धान अयोगले तत्कालीन प्रदेशसचिव बैकुण्ठ अधिकारी, महाशाखा प्रमुख श्रीधर ज्ञवाली, अधिकृत मुकेश राम्जाली नेपाली र प्रबन्ध निर्देशक राजाराम तिवारीविरुद्ध आइतबार विशेष अदालतमा मुद्दा दायर गरेको छ । ज्ञवाली लम्बिनी प्रदेशअन्तर्गतका भूमि व्यवस्था, कृषि तथा सहकारी मन्त्रालयका महाशाखाप्रमुख, राम्जाली कृषि प्रसार अधिकृत र तिवारी आधुनिक कृषि किसान संसारका प्रबन्ध निर्देशक हुन् ।
अख्तियारले कम गुणस्तरको सामग्री आपूर्ति गरी भुक्तानी कार्यमा संलग्न तत्कालीन सचिव अधिकारी, महाशाखा प्रमुख ज्ञवाली, अधिकृत नेपाली र प्रबन्ध निर्देशक तिवारीबाट भ्रष्टाचार निवारण ऐन २०५९ अनुसार एक करोड ३१ लाख ६० हजार रुपैयाँ बिगो तथा तीन वर्षसम्म कैद मागदाबी गरेको छ । सचिव अधिकारीले सम्झौताबमोजिम खरिदसम्बन्धी सम्पूर्ण कागजात अध्ययन र स्थलगत अनुगमनसमेत नगरी/नगराई भुक्तानीसम्बन्धी टिप्पणी सदर गरी कम गुणस्तर र फरक ब्रान्डको खरिद र मिनिलिटर आपूर्तिकर्तालाई भुक्तानी गरी प्रदेश सरकारलाई एक करोड ३१ लाख ६० हजार रुपैयाँ नोक्सानी गरेको अख्तियारको दाबी छ ।
महाशाखाप्रमुख ज्ञवालीले सम्झौताविपरीत कम गुणस्तरको र फरक ब्रान्डको यन्त्र उपकरण आपूर्तिकर्तालाई भुक्तानी लागि टिप्पणी सिफारिस गरेका र अधिकृत नेपालीले सम्झौताविपरीत आपूर्तिकर्ताले पेस गरेको कागजात जस्ताको तस्तै भुक्तानीको लगि टिप्पणी पेस गरेको अख्तियारले जनाएको छ ।
संस्थाका प्रबन्ध निर्देशक तिवारीले सम्झौताविपरीत कम गुणस्तर र फरक ब्रान्डको यन्त्र उपकरण खरिद र वितरण गरी गैरकानुनी लाभ लिन खोजेको अख्तियारको आरोप छ । कृषि यान्त्रिकीकरण कार्यक्रमअन्तर्गत प्रदेश सरकारले कृषकहरूलाई आवश्यक कृषि उपकरण वितरण गर्ने कार्यक्रम थियो ।
क्याटेगोरी : समाचार, सहकारी–कृषि
ट्याग : #Page 1
ताजा अपडेट
- इलाम उपनिर्वाचन : एमालेका नेम्बाङको अग्रता कायमै
- नेपालमा पेट्रोलियम पदार्थ पत्ता लगाउन अन्तिम चरणको ‘ड्रिलिङ’ गरिँदै, हालसम्मको उपलब्धि के?
- पाँच वर्षपछि नेपालमा लगानी सम्मेलन, प्रधानमन्त्रीले लगानीकर्तालाई देखाएका अवसर कस्ता
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
- हिमाञ्चल प्रदेशमा बहादुरसिंहको शालिक अनावरण
- हालसम्म मकवानपुरमा डेङ्गु सङ्क्रमितबाट एक जनाको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया