सगरमाथा क्षेत्रमा ६२ टन बढी कार्गो ढुवानी
सोलुखुम्बु । सोलुखुम्बुको फाप्लु विमानस्थलबाट चार महिनामा ६२ हजार किलो बढी कार्गो सगरमाथा क्षेत्र ढुवानी गरिएको छ । विमानस्थलबाट सन् २०२३ को जुलाईदेखि अक्टोबरसम्ममा ६२ हजार आठ सय ३६ किलो सामग्री हेलिकप्टर तथा जहाजमार्फत खुम्बु ढुवानी गरिएको हो ।
प्राधिकरणका एटीसी अफिसर प्रितम सापकोटाका अनुसार सबैभन्दा बढी सेप्टेम्बर महिनामा ३८ हजार एक सय ८६ किलो कार्गो ढुवानी गरिएको छ । जुलाईमा दुई हजार दुई सय २८ किलो, अगस्टमा सात हजार पाँच सय ७१ किलो र अक्टोबरमा १४ हजार आठ सय ५१ किलो कार्गो लुक्ला र स्याङ्बोचे ढुवानी गरिएको उनकोे भनाइ छ । ढुवानी गरिएका सामग्रीमा दाल, चामल, तरकारी, अण्डालगायत निर्माण सामग्रीहरू जस्तापाता, काठ, सिमेन्ट, रडलगायतका रहेको प्राधिकरणले जनाएको छ । पर्यटकीय क्षेत्र खुम्बुलाई सडक मार्गले जोडिनसकेका कारण त्यहाँ खाद्यान्न, लत्ताकपडादेखि निर्माण सामग्रीहरूको ढुवानीमा समेत हवाई मार्गको भर पर्नुपर्ने बाध्यता छ ।
जिल्ला सदरमुकाम सल्लेरीबाट माप्यदूधकोशी हुँदै विस्तार भएको सडकबाट खुम्बु पासाङ ल्हामु गाउँपालिका १ को थामडाँडासम्म मात्रै सवारी सञ्चालन हुँदै आएको छ । सडक विस्तार गर्ने क्रम जारी रहेकाले चालू आर्थिक वर्षभित्रै लुक्लालाई सडक मार्गले जोड्ने लक्ष्य राखेको छ । तर हालसम्म खुम्बु क्षेत्रमा सामग्री ढुवानीको भरपर्दो माध्यमको रूपमा हवाई मार्गलाई नै लिँदै आइएको छ । कतिपय सामग्रीहरू काठमाडौंबाट सिधै हेलिकप्टर तथा विमानमार्फत ल्याउने गरिएको छ भने केही मात्रामा सदरमुकाम सल्लेरीस्थित फाप्लु विमानस्थलबाट पनि ढुवानी गर्ने गरिएको छ । विमानमार्फत ढुवानी गरिएका सामग्रीहरू लुक्ला विमानस्थलमा पु¥याइन्छ भने हेलिकप्टरबाट ढुवानी गरिने कतिपय सामग्रीहरू स्याङ्बोचेमा पनि पु¥याउने गरिएको जनाइएको छ ।
क्याटेगोरी : समाचार, कोशी प्रदेश
ट्याग : #page 20
ताजा अपडेट
- कांग्रेसको अवरोधपछि प्रतिनिधि सभा बैठक स्थगन
- कांग्रेसको अवरोधपछि राष्ट्रियसभा बैठक स्थगन
- सगरमाथा आधार शिविरतर्फ पठाइयो ‘विश्व शान्ति दीप’
- तीन विदेशी महिला दुई केजी छ सय ५४ ग्राम लागुऔषधसहित पक्राउ
- विकासलाई अगाडि बढाउन राष्ट्रिय शक्तिलाई निर्णायक तहमा पुर्याउनुपर्छ: अध्यक्ष ओली
- आन्दोलनरत आम सम्पर्क मञ्च र भन्सा कार्यालय बिच बार्ता
- पूर्वप्रधानसेनापति सिंहको निधन
- भारतद्वारा इरान बन्दरगाह सम्झौतामा अमेरिकी प्रतिबन्धको धम्की अस्वीकार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया