फोहोरलाई मोहोरमा परिणत गर्दै महाकुलुङवासी !
सोलुखुम्बु । सोलुखुम्बुको निकै विकट गाउँका रुपमा चिनिने महाकुलुङका बासिन्दाले काम नलाग्ने फोहोर वस्तुलाई मोहोरको रुपमा प्रयोग गर्न थालेका छन् । गाउँमा सडक सञ्जाल पुगेसँगै यहाँका बासिन्दाले कवाडी सामानहरुको बिक्रीबाट आर्थिक लाभ त लिएका छन् नै, जसले गर्दा वातावरण सरसफाइमा समेत टेवा पुगेको छ ।
केही समयअघिसम्म त्यतिकै फालिने फलाम तथा सिलबरका टुक्रा, कागज, प्लास्टिकजस्ता कवाडीका समानहरु वातावरण सरसफाइमा समेत चुनौती बनिरहेको थियो । तर पछिल्लो समय त्यही कवाडीका सामग्री आम्दानीको स्रोत बन्न थालेको स्थानीय मनुहाङ किराँती बताउँछन् । उनले भने, ‘पहिला त त्यस्ता सामानहरु यतिकै जथाभावी फाल्थ्यौँ, तर हामीलाई त अहिले पो थाहा भयो, कवाडीका समान त पैसाको स्रोत पो रहेछ, यसको बिक्रीबाट त यहाँ धेरैले आम्दानी रहेका छन् ।’ जिल्ला सदरमुकाम सल्लेरीबाट सिधा सडक सञ्जाल पुगेसँगै कवाडीका सामान खरिदका लागि भारतीय मूलका नागरिकहरु महाकुलुङ पुग्न थालेका छन् । उनीहरुले गाउँमा किलोका हिसाबले खरिद गर्ने कागजसहित फलामका टुक्राहरु तथा आल्मुनियमका काम नलाग्ने सामग्रीहरु गाडीमार्फत कारखानाहरुमा लैजाने गरेका छन् । जसका कारण काम नलाग्ने सामानहरु अहिले खोजी खोजी बिक्री गर्ने क्रम बढेको महाकुलुङ गाउँपालिका ४ की रुपा कुलुङ बताउँछिन् ।
गाउँघरमा काम नलाग्ने वस्तुहरु सदुपयोग गर्न सकिन्छ भन्ने कल्पना समेत नगरेका यहाँका बासिन्दाका लागि कवाडी बिक्रीबाटै आम्दानी हुनु सकरात्मक पक्ष हो । तर यसलाई थप व्यवस्थित गर्न करको दायरामा ल्याउने गाउँपालिका अध्यक्ष सूर्य बहादुर कुलुङले बताए । ‘यो हरेक हिसाबबाट राम्रो पक्ष हो, स्थानीय सरकार सञ्चालन ऐनमा उल्लेख भएअनुसार यसलाई थप व्यवस्थित गर्न हामी कानुनी दायरामा ल्याउँछौ’ँ, अध्यक्ष कुलुङले भने । काम नलाग्ने वस्तुहरुको सदुपयोगले एकातर्फ वातावरण सरसफाइमा सहयोग पुगेको छ भने अर्कोतर्फ स्थानीयले फोहोरबाटै मोहोर समेत कमाइरहेका छन् ।
क्याटेगोरी : बिबिध
ताजा अपडेट
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
- कतारका अमिर शेखको स्वागतमा सांस्कृतिक भेषभूषामा नेपाली
- कतारका अमिरको भ्रमणमा श्रम सम्झौता नवीकरण एउटा मुद्दा, नेपाल के चाहन्छ ?
- मोटरसाइकल दुर्घटनामा धनुषाका पत्रकार यादवको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया