सङ्घीयतामार्फत नै देश समृद्ध हुन्छ: सभापति देउवा
ओखलढुङ्गा । नेपाली कांग्रेसका सभापति शेरबहादुर देउवाले सङ्घीयतालाई संस्थागत गर्दै देशको विकासमा जुट्नुपर्ने बताएका छन् । ओखलढुङ्गामा कांग्रेसको नवनिर्मित पार्टी कार्यालय बीपी स्मृति भवन उद्घाटन तथा प्रथम जिल्ला सम्मेलनलाई सम्बोधन गर्ने क्रममा हिजो(मंगलबार) सभापति देउवाले सङ्घीयतामार्फत नै देशको समृद्धि सम्भव रहेको बताएका हुन् ।
मुलुकमा सङ्घीयता कार्यान्वयन भएपछि दूरदराजमा विकास पुगेको बताउँदै देउवाले गणतन्त्र र सङ्घीयताको अर्को विकल्प नभएकोमा जोड दिए । उनले भने, ‘देश सङ्घीयताको कार्यान्वयन र लोकतान्त्रिक गणतन्त्रमा गइसकेको छ । अहिले नै यसको विकल्प खोज्नु उपयुक्त हुँदैन । यही व्यवस्थाले नागरिकको अवस्था परिवर्तन हुन्छ । व्यवस्था परिवर्तनको सपना कसैले नदेखे हुन्छ ।’ उनले आदिवासी, जनजाति, मधेसी, महिला, दलितलगायत सबैलाई अपनत्व दिलाउँदै सङ्घीयताको संस्थागत विकासमा लाग्न आवश्यक रहेको बताए ।
सो अवसरमा नेपाली कांग्रेसका नेता शेखर कोइरालाले युवालाई स्वरोजगार बनाउनु अहिलेको आवश्यकता रहेको बताए । देशमा बढ्दो बेरोजगारी समस्या समाधान गर्नुपर्ने भन्दै नेता कोइरालाले कृषि क्षेत्रको विकास गरेर रोजगारीे सृजना गर्न सरकारले ठोस कार्यक्रम ल्याउनुपर्ने बताए । नेता कोइरालाले एनसेलमा भ्रष्टाचारको चर्चा चलिरहेको सन्दर्भमा नेपाली कांग्रेसले सदनमा आवाज उठाउने बताए ।
नेपाली कांग्रेसका महामन्त्री गगन थापाले राजनीतिक दल अहिल्यै आगामी निर्वाचनको तयारीमा लाग्नु गलत भएको बताए । सङ्घीयतासहितको लोकतान्त्रिक गणतन्त्रात्मक व्यवस्थाको रक्षा र भ्रष्टाचार अन्त्यका लागि कांग्रेस लाग्ने बताए । छिट्टै सङ्घमा कांग्रेसको नेतृत्वमा सरकार बन्ने उनले उल्लेख गरे ।
कोशी प्रदेशका मुख्यमन्त्री केदार कार्कीले प्रदेशका नागरिकलाई निराश नहुन आग्रह गरेका छन् । अहिले प्रदेशले सामाजिक विकासलाई प्राथमिकतामा राखेर काम गरेको मुख्यमन्त्री कार्कीले बताए । प्रदेशमा भइरहेको पहिचानको आन्दोलनको कुनै औचित्य नरहेको बताए ।
कार्यक्रममा कांग्रेस सहमहामन्त्री भीष्मराज आङदेम्बे, पार्टी प्रवक्ता मीनबहादुर विश्वकर्मा, कोशी प्रदेश मुख्यमन्त्री केदार कार्की, पूर्वमुख्यमन्त्री उद्धव थापा, केन्द्रीय सदस्यहरु रामहरि खतिवडा, प्रदीपकुमार सुनुवारलगायत केन्द्र, प्रदेश र जिल्ला तहका नेता कार्यकर्ताको सहभागिता रहेको थियो ।
प्रशिक्षणमूलक सम्मेलन बुधबारसम्म सञ्चालन हुने जिल्ला पार्टी सभापति तेजेन्द्र खनालले जानकारी दिए । राससले जनाएनुसार पार्टीका पूर्वजिल्ला सभापति र पार्टी कार्यालय निर्माणमा महत्वपूर्ण भूमिका खेल्नेलाई सो अवसरमा सम्मान गरिएको थियो ।
पूर्वजिल्ला सभापतिहरु महेशकुमार कोर्मोचा, प्रदीपकुमार सुनुवार, गोमा केसीका साथै पार्टी नेताहरु चन्द्रकान्त दाहाल, दुर्योधन गिरीलाई पनि सम्मान गरिएको थियो । स्वर्गीय नेताहरु डिल्लीराम खनाल, मित्रसेन दाहाललाई मरणोपरान्त सम्मान गरिएको नेपाली कांग्रेस ओखलढुङ्गाले जनाएको छ ।
क्याटेगोरी : राजनिति
ताजा अपडेट
- मोरङ उद्योग व्यापार संघको निर्वाचन हुँदै
- समसामयिक राजनीतिक व्यङ्ग्य
- बैंकिङ प्रणालीमा २४ करोड निक्षेप पठाउँदै राष्ट्र बैंक
- बीमा कम्पनीहरूबाट एक खर्ब ४० अर्ब बीमाशुल्क सङ्कलन
- वैदेशिक रोजगारीका लागि एक महिनामा ७० हजार युवालाई श्रम स्वीकृति
- व्यवसायीहरूमा कर आतङ्क
- गण्डकीका मुख्यमन्त्री अधिकारीले आज विश्वासको मत लिँदै
- ट्रयाक्टर दुर्घटना हुँदा दुईजनाको मृत्यु, दुई घाइते
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया