आज सुदूरपश्चिमको नीति तथा कार्यक्रम प्रस्तुत

सुदूरपश्चिम । बुधबार प्रदेश सरकारको आर्थिक वर्ष २०८०/८१ को नीति तथा कार्यक्रम सुदूरपश्चिम प्रदेशसभामा प्रस्तुत हुँदैछ ।

प्रदेश प्रमुख देवराज जोशीले बुधबार अपराह्न ४ बजेपछि बस्ने प्रदेशसभाको बैठकमा सरकारको नीति तथा कार्यक्रम प्रस्तुत गर्ने कार्यसूची रहेको प्रदेशसभा सचिवालयले जनाएको छ ।

बुधबार प्रदेशसभाको बैठकमा सरकारको विनियोजन विधेयक २०८०/८१ का सिद्धान्त र प्राथमिकतामाथिको छलफल सकिएपछि नीति कार्यक्रम प्रस्तुत गर्न लागिएको हो ।