विराटनगर । नेपालमा दक्ष कामदार नै रहेको उद्योगी व्यवसायीहरूले गुनासो गरेका छन् । पूर्वी क्षेत्रमा सञ्चालनमा रहेका उद्योगहरूमा दक्ष कामदारका लागि भारतकै भर पर्नुपर्ने बाध्यता रहेको उनीहरूको भनाइ छ ।
नेपाल उद्योग वाणिज्य महासंघ कोशी प्रदेशले आयोजना गरेको कार्यक्रममा उनीहरूले युवाहरू रोजगारको सिलसिलामा विदेशिने गरेको भए पनि नेपालमा नै रोजगारदाताहरूले भने कामदार नपाएको बताए । दक्ष जनशक्तिको नेपालमा ठूलो अभाव रहेको उनीहरूको दाबी छ । महासंघका उपाध्यक्ष कुमारमणि पोखरेलको अध्यक्षतामा भएको कार्यक्रममा उद्योग प्रतिष्ठानहरूमा कामदारसम्बन्धी माग र आपूर्तिको बेमेललाई सम्बोधनमा छलफल भएको थियो । नेपाल भेनियर उत्पादक संघका अध्यक्ष एवं मेची उद्योग वाणिज्य संघका महासचिव दिनेश शाक्यले करिब चार हजार कामदार रहेको भेनियर उद्योगमा ९० प्रतिशत भारतीय कामदार रहेको बताए । यहाँ कार्यरत १० प्रतिशत नेपाली कामदार पनि वैदेशिक रोजगारको पर्खाइमा रहेको उनको भनाइ थियो । उक्त कार्यक्रममा झापा उद्योग संघका अध्यक्ष एवं नेपाल उद्योग वाणिज्य महासंघका सदस्य यमबहादुर श्रेष्ठले चिया, चामल उद्योगहरूमा दक्ष प्राविधिकहरूको अभाव रहको बताए ।
कार्यक्रममा समृद्धि हेल्भेटासका कार्यक्रम अधिकृत पोषराज निरौलाले उद्योगको सिपलाई आधार मानेर जनशक्ति उत्पादन गर्नुपर्ने भन्दै जनशक्तिको पनि अभाव भएको बताए । महासंघको पहलमा निर्माण हुने श्रम बजारमा सूचना प्रणालीले उद्योग प्रतिष्ठानहरूले पहुँच राख्ने हुँदा अहिले देखिएको जनशक्तिसम्बन्धी माग र आपूर्तिसम्बन्धी समस्याको बिस्तारै समाधान हुनेमा आफू विश्वस्त रहेको उनले बताए । त्यसका लागि उद्योग प्रतिष्ठानहरूले पनि दक्ष कामदारलाई उत्प्रेरणा जगाउने कार्य गर्नुपर्ने उनको भनाइ थियो । नेपाल उद्योग वाणिज्य महासंघका केन्द्रीय सदस्य नरेन्द्रकुमार खड्काले समग्र परिस्थितिको सुधार नभएसम्म उद्योग प्रतिष्ठानहरू प्रगति गर्न नसक्ने बताए । लगानीमैत्री वातावरण निर्माणका लागि नीतिको आवश्यकता रहेको भन्दै उनले उद्योगहरूको अवस्था वर्गीकरण गरी सोेहीअनुसार समस्याको समाधान गर्नुपर्नेमा जोड दिए ।
झापा जिल्लाको हल्दीबारी इँटा उद्योगकी सञ्चालिका ज्योति न्यौपाने रिजालले आफ्नो उद्योगमा अधिकांश भारतीय रहेको भन्दै नेपाली कामदारहरूको उत्पादकत्व तुलनात्मकरूपमा कमजोर रहेको बताइन् । यस्तै, हियान फुड इन्डिस्ट्रजकी सञ्चालिका शर्मिला अधिकारीले पनि दक्ष कामदारको लागि भारतीय कामदारहरूमा भरपर्नु परेको उल्लेख गरिन् । कार्यक्रममा विभिन्न उद्योग प्रतिष्ठान र व्यावसायिक संघसंस्थाका प्रतिनिधिहरूको उल्लेखनीय सहभागिता रहेको थियो ।
क्याटेगोरी : कर्पोरेट-वाणिज्य-उद्योग, कोशी प्रदेश
ट्याग : #Page 8
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया