सूर्य नेपालद्वारा प्रदेश राहत कोषमा एक करोड सहयोग
जनकपुरधाम, साउन २
कोरोना महामारी नियन्त्रण, रोकथाम तथा उपचारको लागि प्रदेश सरकारले स्थापना गरेको राहत कोषमा सूर्य नेपाल प्रालिले एक करोड रुपैयाँ सहयोग गरेको छ । सूर्य नेपालका प्रतिनिधिहरुले प्रदेश नम्बर दुईका मुख्यमन्त्री लालबाबु राउतलाई चेक हस्तान्तरण गरेका हुन् । कम्पनीले कोभिड १९ महामारीले सृजना गरेको समस्या समाधान गर्न विभिन्न प्रदेशहरुमा सहयोग गर्दै आएको सूर्य नेपाल प्रालिका उपाध्यक्ष रवि केसीले जानकारी दिए । प्रदेश सरकारले स्थापना गरेको राहत कोषमा विभिन्न बैंक, वित्तीय संस्था, विभिन्न व्यापारिक घरानाहरुले जम्मा गराएका छन् । उक्त रकमबाट प्रदेश सरकारले कोरोनाको रोकथाम तथा उपचारमा खर्च गर्दै आएको छ ।
वाग्मती प्रदेशलाई पनि एक करोड सहयोग : त्यसैगरी सूर्य नेपालले वाग्मती प्रदेश सरकारले स्थापना गरेको कोरोना भाइरस संक्रमण रोकथाम तथा नियन्त्रण कोषमा पनि १ करोड रुपैयाँ सहयोग गरेको छ । वाग्मती प्रदेशका मुख्यमन्त्री डोरमणि पौडेललाई कम्पनीका उपाध्यक्ष केसीले सो रकमको चेक बुधबार हस्तान्तरण गरेका हुन् । सहयोग हस्तान्तरण कार्यक्रममा मुख्यमन्त्री पौडेलले कोषमा रकम सहयोग गरेकोमा धन्यवाद दिए । साथै सबैको सहयोगमा कोरोनाविरुद्धको अभियान सफल हुने बताए ।
सूर्य नेपाल प्रालिका उपाध्यक्ष केसीले कोरोनाविरुद्धको अभियानमा प्रदेश सरकारले देखाएको सक्रियतालाई साथ दिन सहयोग गरेको बताए । साथै कम्पनीले प्रदेश नम्बर ५ सरकारले स्थापना गरेको कोरोना भाइरस संक्रमण रोकथाम तथा नियन्त्रण कोषमा पनि १ करोड रुपैया सहयोग गरेको छ । कम्पनीका उपाध्यक्ष केसीले प्रदेश नम्बर ५ का मुख्यमन्त्री शंकर पोखरेललाई उक्त रकम हस्तान्तरण गरेका हुन् ।
क्याटेगोरी : नेपाल
ताजा अपडेट
- क्यान्सर रोगका क्षेत्रमा नेपालमा सहकार्य गर्दै बैंगलोरको एचसीजी अस्पताल
- सरकारले १३ अर्ब ३३ करोड ऋण स्वीकार गर्ने
- बहाल कर नतिरेपछि दुई कम्प्लेक्सलाई कामपाको पत्राचार
- जलवायु परिवर्तनको असरसँग जुध्न एडिबीले नेपाललाई सहयोग बढाउने
- महाँकालको विकासका योजना नीति तथा कार्यक्रममा समेटिने छन् : प्रधानमन्त्री
- सत्ता गठबन्धन आगामी निर्वाचनसम्म रहन्छ : एमाले नेता भट्टराई
- वेस्ट इन्डिज ‘ए’सँगको अन्तिम खेलमा नेपाल विजयी
- बागलुङमा सुन्तला खेतीप्रति कृषकको आकर्षण
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया