नेपालमा वानप्लस रि–लन्च गर्दै क्रेटोस टेक्नोलोजिज
काठमाडौं ।
स्मार्टफोन ब्राण्ड वानप्लस नेपाली बजारमा पुनः सार्वजनिक हुने भएको छ । वानप्लसको फ्ल्यागसिप मोडल वानप्लस एटप्रोका साथमा वानप्लसका प्रिमियम स्मार्टफोनहरु वानप्लस नोर्ड फाइभ जी र वानप्लस नोर्ड एनटेन फाइभ जी नेपाली बजारमा आउने भएको हो ।
वानप्लसका लागि आधिकारिक बिक्रेताको रुपमा तोकिएको क्रेटोस टेक्नोलोजिज प्रालिमार्फत आगामी मंसिर २९ गतेबाट नेपाली बजारमा उक्त तीन मोडल उपलब्ध हुनेछन् । गत वर्ष वानप्लसले ९० हर्जको फ्ल्युड एमोलेड डिस्प्लेका साथमा आफ्ना नयाँ स्मार्टफोन बजारमा ल्याएसँगै वानप्लसका उपभोक्ताको आकर्षण उल्लेख्य रुपमा बढेको थियो भने यस वर्ष फाइभ जी प्रविधि र थप उत्कृष्ट डिस्प्लेका माध्यमबाट वानप्लसले आफ्ना प्रयोगकर्तालाई फाष्ट एण्ड स्मूथ अनुभूति दिलाउन थप सफल रहने विश्वास लिएको छ ।
नेपाली उपभोक्तामाझ निक्कै लोकप्रिय रहेको वानप्लसले क्रेटोस टेक्नोलोजिज प्रालिलाई नेपालका लागि आधिकारिक विक्रेता नियुक्त गरेसँगै नेपाली बजारमा वानप्लसले सफलताको नयाँ उचाइ हासिल गर्ने कम्पनीको भनाइ छ । क्रेटोस टेक्नोलोजिजको देशव्यापी बलियो वितरण सञ्जाल र प्रतिबद्ध बिक्रीपश्चात्को सेवाका माध्यमबाट वानप्लसका उपभोक्ताले थप लाभ हासिल गर्नसक्ने अवस्थाको विकास भएको कम्पनीको दाबी छ ।
कम्पनीका अनुसार बुधबारबाट नै वानप्लसका तिनै मोडलका स्मार्टफोनहरु क्रेटोस टेक्नोलोजिज प्रालि प्रि–बुकिङ सुरु गरेको छ । प्रि–बुकिङकर्ताले मंसिर २९ गतेबाट डेलिभरी प्राप्त गर्न सुरु गर्नेछन् । अनलाइन प्लेटफर्म दराज तथा सस्तोडिल तथा क्रेटोस टेक्नोलोजिजका देशभर छरिएर रहेका रिटेल स्टोरमार्फत वानप्लसको प्रि–बुकिङ गर्न सकिने कम्पनीको भनाइ छ । यसरी प्रि–बुकिङ गर्ने ग्राहकमध्ये यसको फ्ल्यागसिप मोडल वानप्लस एटप्रोका ग्राहकहरुले एक वर्षको स्क्रिन ब्रेकेज इन्स्योरेन्स तथा वानप्लस कम्युनिटी डिस्काउन्ट कार्ड समेत प्राप्त गर्न सक्नेछन् ।
क्याटेगोरी : कर्पोरेट-वाणिज्य-उद्योग
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया