एक अर्ब ३२ करोड राजस्व छली गर्ने राम किशोर प्रसाद फरार
काठमाडौं ।
राजस्व अनुसन्धान विभाग, पुल्चोकले झूटा तथा नक्कली मूल्यअभिवृद्धि कर बीजक प्रयोग गरी राजस्व चुहावट गरेको आरोपमा २८ वटा फर्मविरुद्ध उच्च अदालत पाटनमा मुद्दा दर्ता गराएको छ । तर उक्त २८ वटा फर्ममध्ये २६ वटा फर्म भने एकै व्यक्ति २८ वर्षीय राम किशोर प्रसादले सञ्चालन गर्ने गरेको पाइएको छ । विभागका अनुसार पप्पु भ्याट भनेर समेत चिनिने प्रसाद हाल भने फरार रहेको बताइएको छ ।
योसँगै विभागले सर्लाही स्थायी घर भई हला पद्म कोलोनी सीतापाइला, काठमाडौंमा बस्ने प्रसादसहित अन्य २६ वटा फर्मका प्रोपाइटरबाट एक अर्ब ३२ करोड ४६ लाख १२ हजार बिगो असुल गरी जरिवाना र कैद सजाय मागदाबी गर्दै उच्च अदालत पाटनमा मुद्दा दायर गरेको छ । उनले आर्थिक अवस्था कमजोर भएका मजदुरहरुलाई सीमित रकम दिई उनीहरुबाट कागजात लिई कम्पनी दर्ता गर्ने गरेको पाइएको छ ।
विभागका अनुसार प्रसादले मोहन ट्रेड इन्टरनेशनल (स्थायी लेखा नं ६०३८४१७६५) लगायत अन्य २६ वटा फर्महरु कमजोर आर्थिक अवस्थामा भएका मजदुरलगायतका व्यक्तिको नाममा दर्ता गरी उक्त सबै फर्मको बैंक खाता सञ्चालन उनले नै गरी विभिन्न फर्महरुको नाममा झूटो तथा नक्कली बिक्री बीजक गरी आर्थिक वर्ष ०७१/७२ देखि ०७४/७५ सम्ममा मूल्यअभिवृद्धि कर तथा आयकर राजस्व चुहावट गरेको पाइएको छ ।
विभागले विभिन्न विभिन्न फर्महरुको नाममा झूटो तथा नक्कली बिक्री बीजक गरी तीन आवमा मूल्य अभिवृद्धि कर तथा आयकर राजस्व चुहावट (अनुसन्धान तथा नियन्त्रण) ऐन, २०५२ को दफा ३ ले निषेधित कार्य गरी ऐनको दफा ४ बमोजिम कसुर गरी मूल्य अभिवृद्धि करतर्फ ४३ करोड ८१ लाख ८० हजार र आयकरतर्फ ८६ करोड ५६ हजार एक हजार र लाभांश करतर्फ दुई करोड आठ लाख ३० हजार राजस्व चुहावट गरेकोले राजस्व चुहावट (अनुसन्धान तथा नियन्त्रण) ऐन, २०५२ को दफा (छ) बमोजम कुल बिगो एक अर्ब ३२ करोड ४६ लाख १२ हजार कायम गरी उक्त फर्महरुको मुख्य कारोबारी प्रसाद समेत उक्त विभिन्न फर्मका २८ जना प्रोपाइटरहरुविरुद्ध राजस्व चुहावट (अनुसन्धान तथा नियन्त्रण) ऐन, २०५२ को दफा २३ तथा सोही ऐन (पहिलो संशोधन २०७६) को दफा २३ बमोजिम बिगो रकम एक अर्ब ३२ करोड ४६ लाख १२ हजार असुलउपर गरी जरिवाना र कैद सजाय मागदाबी गर्दै उच्च अदालतमा मुद्दा दायर गरेको हो ।
विभागका महानिर्देशक दीर्घराज मैनालीले प्रसादले मागअनुसारको बिल बनाइदिने गरेको पाइएको बताएका छन् । ‘कपडा आयात गर्नेलाई फलाम, कागजलगायतको आवश्यकता अनुरुप बिल निर्माण गरिदिने गरेको पाइएको छ’, उनले भने, ‘बिल बनाइदिएबापत उनले तीनदेखि चार प्रतिशत कमिसन लिने गरेको पाइन्छ ।’
यस्तै फरार रहेका प्रसादको सम्पत्ति सम्पूर्ण रोक्का गरेको छ । विभागका अधिकारीका अनुसार उनले सम्पत्ति श्रीमतीको नाममा राखेको अनुसन्धानको क्रममा खुल्न आएको छ भने सम्पत्ति जफत गर्ने प्रयोजनका लागि उनकी श्रीमती सावित्री रौनियारको नाममा रहेका सम्पत्ति पनि रोक्का गरिएको छ ।
क्याटेगोरी : समाचार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया