भक्तराज आचार्य राष्ट्रिय सङ्गीत सम्मानबाट राणा र रसाइली सम्मानित

आर्थिक दैनिक एप डाउनलोड गर्नुहोस्

प्रिमियम आर्थिक विश्लेषण, प्रत्यक्ष सेयर बजार डाटा र ताजा आर्थिक अपडेटहरू अहिले नै आफ्नो मोबाइलमा पाउनुहोस्।

छैन · चाडै आउँदैछ

Google Play

छैन · चाडै आउँदैछ

App Store

काठमाडौं । भक्तराज आचार्य राष्ट्रिय सङ्गीत सम्मान २०८२ बाट दुई सर्जक सम्मानित भएका छन् । भक्तराज आचार्य संगीत प्रतिष्ठान र सिटी एक्सप्रेस मनि ट्रान्सफरको संयुक्त सहकार्यमा शनिबार आयोजित कार्यक्रममा वरिष्ठ गायिका मीरा राणा र वरिष्ठ संगीतकार सीके रसाइलीलाई सम्मान प्रदान गरिएको हो ।

उनीहरूलाई नगद एक लाख रुपैयाँ र ताम्रपत्रसहित सम्मान गरिएको थियो । भक्तराज आचार्यको योगदानको सम्मानस्वरूप स्थापना गरिएको उक्त सम्मानमा नेपाली संगीत क्षेत्रका विशिष्ट व्यक्तित्वहरूलाई सम्मान गर्ने गरिएको छ । त्यसैगरी, ‘सुशीला आचार्य सुस्वास्थ्य कामना सम्मान २०८२’ संगीतकर्मी दीपक थापा र अभिनेता पवन मैनालीलाई प्रदान गरिएको छ । उनीहरूलाई ५० हजार रुपैयाँसहित सम्मान गरिएको हो । स्वास्थ्य उपचार आवश्यक पर्ने कलाकारहरूलाई प्रोत्साहन र सहयोग गर्ने उद्देश्यले यो सम्मान दिने गरिएको छ । आइतबार ललितपुरमा आयोजित कार्यक्रममा भक्तराज आचार्य सङ्गीत प्रतिष्ठानकी अध्यक्ष सुशीला आचार्य र सिटी एक्सप्रेस मनि ट्रान्सफरका संस्थापक तथा प्रबन्ध निर्देशक चन्द्र टण्डनले सम्मान प्रदान गरेका हुन् । भक्तराज आचार्य संगीत प्रतिष्ठानले संगीत र कलाको क्षेत्रमा महत्वपूर्ण योगदान पुर्याउँदै आएको छ भने सिटी एक्सप्रेसले सामाजिक उत्तरदायित्वअन्तर्गत भक्तराज आचार्य संगीत प्रतिष्ठानलाई साथ दिँदै आएको छ । नेपाली सङ्गीत क्षेत्रका कलाकारहरूको बाक्लो उपस्थिति रहेको कार्यक्रममा कलाकारहरूले साङ्गीतिक प्रस्तुति समेत दिएका थिए ।