‘विश्व सांस्कृतिक उत्सव–२०२३’ मा नेपाल
काठमाडौं । अमेरिकाको वासिङ्गटन डिसीस्थित मेट्रो एरियामा आयोजना भएको विश्व सांस्कृतिक उत्सव २०२३ मा नेपालले पनि सहभागिता जनाएको छ । सेप्टेम्बर २९ देखि अक्टोबर १ सम्म तीन दिने सो उत्सवमा एक सय ८० राष्ट्रले सहभागी जनाएको छन् ।
सहभागी राष्ट्रले आफ्नो मौलिक संस्कृतिसम्बन्धी प्रस्तुति गरेका छन् । संसारभरका विभिन्न संस्कृतिलाई एकै ठाउँमा ल्याई एकै सूत्रमा बाँध्ने काम आर्ट अफ लिभिङका संस्थापक तथा आध्यात्मिक गुरु श्रीश्री रविशंकरले गरेका हुन् । हालसम्म पाँच लाखभन्दा बढी सहभागीले कार्यक्रममा सरिक भएर सांस्कृतिक विविधताको महत्वमाथि ऐक्यबद्धता जनाएका छन् । कार्यक्रममा विभिन्न राष्ट्रले आफ्नो देशको भेषभूषा, नृत्य, संगीत तथा परिकारको प्रस्तुति देखाइरहेका छन् । नेपालले पनि विभिन्न समुदायको सात मौलिक नृत्यहरू सोही समुदायको सांस्कृतिक पहिरन पहिरिएर प्रस्तुति गरेको छ । नेपालको टोलीमा १३ वर्षदेखि ६० वर्षसम्मका एक सय ५० जना कलाकारहरू रहेका छन् । नेपालको सांस्कृतिक टोलीको प्रायोजन राजेशबहादुर प्रधान तथा निभा माथेमा प्रधानले गरेका छन् । नेपालको ‘विश्व सांस्कृतिक उत्सव २०२३’ मा सहभागिताले नेपाललाई विश्वमा चिनाउन सहयोगी हुने बताइएको छ ।
यस वर्ष हुन लागेको ‘विश्व सांस्कृतिक उत्सव २०२३’ चौथो संस्करण हो, सन् २००६ मा बैंगलोरमा आयोजना भएको पहिलो संस्करणमा पच्चीस लाख सहभागी थिए । त्यसैगरी, दोश्रो संस्करण जुन बर्लिनमा सन् २०११ मा सम्पन्न भएको थियो भने तेस्रो संस्करण सन् २०१६ मा दिल्लीमा आयोजित भएको थियो ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- एक लाख बीमितको कार्ड जारी गर्दै काठमाडौँ महानगर
- पोलियोविरुद्ध खोप देशभरि बालबालिकालाई लगाइँदै
- रासायनिक विषादीको प्रयोग घटाउन ‘आइपिएम’ कृषक पाठशाला
- प्रेस तथा अभिव्यक्ति स्वतन्त्रताको सम्मान गर्न आग्रह
- शान्ति समाजद्वारा श्रमजीवी पत्रकारको सुरक्षा हुनुपर्नेमा जोड
- लोकतन्त्रमा मात्रै सञ्चार क्षेत्रको विकास एवं प्रवर्द्धन सम्भव छ: सभामुख घिमिरे
- जनताका पक्षमा सरकारले ऐतिहासिक काम गरेको छ: प्रधानमन्त्री
- ब्याजदर स्थिर राख्ने अमेरिकी केन्द्रीय बैंकको निर्णय
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया