इसेवामा मोटरसाइकल जित्ने मौका

काठमाडौं । इसेवाले दशैँ तिहारलाई मध्यनजर गर्दै ‘इसेवा डिजिटल उत्सव’ हर्ष अझै बढ्छ अफर सार्वजनिक गरेको छ । जसअन्तर्गत ३७.९९ रूपैयाँ खेल खेल्दा तीन लाख ७९ हजार नौ सय रुपैयाँ मूल्य भएको यामाहा न्यू एफजेड एफआई भर्जन ३.० मोटरसाइकल जित्न सकिनेछ । यसैगरी सो खेलबाहेक कुनै पनि दुईवटा भिन्न कारोबार गर्दा दुई जनाले सोही मोटरसाइकल जित्न सक्ने कम्पनीले जनाएको छ ।

इसेवा डिजिटल उत्सव अफरअन्तर्गत नै इसेवाबाट मोबाइल नम्बर प्रयोग गरी सिधै बैंक खातामा पैसा पठाउँदा एक भाग्यशाली जोडीले दुबई टुर प्याकेज पनि पाउनेछन् । साथमा कात्तिक १ गते इसेवा केअर किन्दा भाग्यशाली एक जनाले एक सय गुणा क्यासब्याक पाउने अफर पनि राखेको छ । त्यसैगरी इसेवाबाट जहाजको आन्तरिक उडानको टिकट काट्दा भाग्यशाली पाँच जनाले जोडीको लागि होटेलको स्टेकेसन प्याकेज तथा एक जनाले रियलमी ११ एक्स फाईभजी पाउने कम्पनीले जनाएको छ । साथै, इसेवाबाट इन्टरनेट तथा टिभीको बिल भुक्तानी गर्नेले तीन सय रुपैयाँसम्मको क्यासब्याक तथा टिभी समेत जित्न सक्नेछन् । यसैगरी बसको टिकट काट्ने वा होटेल बुक गर्ने प्रयोगकर्ताले चितवन तथा पोखरामा तीन दिन दुई रातको स्टेकेसन जित्न सक्नेछन् ।

इसेवामा आबद्ध व्यवसायीहरूले समेत ग्राहकमार्फत क्यूआर भुक्तानी लिँदा वासिङ मेसिन, एयर फ्रायर, स्यान्डविच मेकरलगायतको उपहार जित्न सक्नेछन् । त्यसैगरी, अनलाइन कारोबारका लागि इसेवाबाट भुक्तानी गर्नेले बिनब्याग समेत जित्न सक्नेछन् । विदेशबाट इसेवा मनि ट्रान्सफरको साझेदारमार्फत इसेवा वालेटमा पाँच हजार रुपैयाँभन्दा बढीको भुक्तानी पाउने सबैले टप–अप, इन्टरनेट, होटेल, एयरलाइन्स तथा इसेवा केयर प्याकेज खरिदमा पक्का क्यासब्याकका लागि प्रोमो कोड प्राप्त गर्नेछन् ।