सिमेन्टमा भएको मूल्यवृद्धि खारेज गर्न माग
काठमाडौं । नेपाल निर्माण व्यवसायी महासंघले कार्टेलिङ गरी बजारमा सिमेण्टको मूल्यवृद्धि गरिएकाले तत्काल खारेज गर्न माग गरेको छ । स्वतस्फूर्तरूपमा हुनुपर्ने मूल्यवृद्धिलाई बेवास्ता गरी खुलाबजार अर्थतन्त्रको सिद्धान्तविपरीत कार्टेलिङ गरी सिमेण्टको भाउ बढाइएको महासंघको आरोप छ ।
महासंघका महासचिव रोशन दाहालले बुधबार एक विज्ञप्ति जारी गरी अव्यावहारिक एवम् अवैज्ञानिक ढंगले सिमेन्ट उद्योगीहरूले कार्टेलिङ गरी प्रतिबोरा एक सय रुपैयाँ मूल्यवृद्धि गरेको जानकारी दिएका छन् । सो मूल्यवृद्धि कानुनविपरीतको दण्डनीय अपराध भएको महासंघको दाबी छ । ‘विगतमा पनि कार्टेलिङ गरी पटकपटक भएका यस किसिमका मूल्यवृद्धिका कारण अन्ततः पूर्वाधार खर्च बढ्न गई नेपाल सरकारका सार्वजनिक निकायहरूलाई नै ठूलो आर्थिक बोझ थपिएको विदितै छ’, महासंघको विज्ञप्तिमा उल्लेख छ ।
म्याद थपमा देखिएको जटिलतासँगै हाल निर्माण व्यवसायीहरूको अरबौँ भुक्तानी नहुँदा निर्माण उद्योग नै धराशायी भएको स्थितिमा सिमेण्टमा भएको मूल्यवृद्धिले अझै पलायनको बाटोमा लैजाने महासंघको भनाइ छ । मूल्यवृद्धि अविलम्ब खारेज गरी आमउपभोक्तालाई राहत दिन पनि महासंघले सरकारका सम्बन्धित निकाय समक्ष माग गरेको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- कांग्रेसको अवरोधपछि प्रतिनिधि सभा बैठक स्थगन
- कांग्रेसको अवरोधपछि राष्ट्रियसभा बैठक स्थगन
- सगरमाथा आधार शिविरतर्फ पठाइयो ‘विश्व शान्ति दीप’
- तीन विदेशी महिला दुई केजी छ सय ५४ ग्राम लागुऔषधसहित पक्राउ
- विकासलाई अगाडि बढाउन राष्ट्रिय शक्तिलाई निर्णायक तहमा पुर्याउनुपर्छ: अध्यक्ष ओली
- आन्दोलनरत आम सम्पर्क मञ्च र भन्सा कार्यालय बिच बार्ता
- पूर्वप्रधानसेनापति सिंहको निधन
- भारतद्वारा इरान बन्दरगाह सम्झौतामा अमेरिकी प्रतिबन्धको धम्की अस्वीकार
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया