काठमाडौं ।
यस साता सेयर बजार परिसूचक १५ सय ८९ दशमलव ६३ अंकमा पुगेर रोकिएको छ । यसैगरी ‘क’ वर्गका कम्पनीहरुको कारोबार मापन गर्ने सेन्सिटिभ इन्डेक्स पनि तीन सय १४ दशमलव ७४ अंकमा पुगेर रोकिएको छ । यस साता धितोपत्र बजारमा एक सय ९५ वटा कम्पनीहरुको कारोबार भएका छन् । जसअनुसार दुई लाख १८ हजार सात सय ६६ पटकको कारोबारमा पाँच करोड ४० लाख ४५ हजार चार सय ३५ कित्ता सेयर खरिदबिक्री हुँदा कारोबार रकम १४ अर्ब ५३ करोड १६ लाख १० हजार चार सय एक रुपैयाँ पुगेको छ । यो कारोबार रकम गत साताको तुलनामा झण्डै दुई अर्ब रुपैयाँले बढी हो ।
गत साता भने धितोपत्र बजारमा एक सय ९८ वटा कम्पनीहरुको कारोबार भएका थिए । जसअनुसार एक लाख ८९ हजार नौ सय ५१ पटकको कारोबारमा पाँच करोड २२ लाख २५ हजार तीन सय ३३ कित्ता सेयर खरिद बिक्री हुँदा कारोबार रकम ११ अर्ब ४१ करोड ९६ लाख १५ हजार छ सय ८५ रुपैयाँ पुगेको थियो । यस साता नेप्सेको नियमित कारोबार कक्ष पाँच कार्यदिन नै खुल्ला रहेको थियो । सोमध्ये दोस्रो र अन्तिम कारोबार दिन बजार परिसूचक ओरालो लागेको थियो भने बाँकी दिन उकालो लागेको थियो ।
जसमध्ये पहिलो दिन बजार परिसूचक १४ दशमलव ७१ अंकले उकालो लागेर १५ सय ८५ दशमलव ७५ अंकमा चढेको थियो । क वर्गका कम्पनीहरुको कारोबार मापन गर्ने सेन्सिटिभ इन्डेक्स पनि दुई दशमलव १९ अंकले उकालो लागेर तीन सय १२ दशमलव ३५ अंकमा चढेको थियो । दोस्रो दिन भने बजार परिसूचक तीन दशमलव ६३ अंकले ओरालो लागेर १५ सय ८२ दशमलव १२ अंकमा झरेकोमा सेन्सिटिभ इन्डेक्स पनि शून्य दशमलव ११ अंकले ओरालो लागेर तीन सय १२ दशमलव ४६ अंकमा झरेको थियो । तेस्रो दिन भने बजार परिसूचक चार दशमलव १७ अंकले उकालो लागेर १५ सय ८६ दशमलव २९ अंकमा चढेकोमा सेन्सिटिभ इन्डेक्स पनि शून्य दशमलव ७६ अंकले उकालो लागेर तीन सय १३ दशमलव १२ अंकमा चढेको छ ।
चौथो दिन पनि बजार परिसूचक १४ दशमलव ६८ अंकले उकालो लागेर १६ सय दशमलव ९७ अंकमा चढेकोमा सेन्सिटिभ इन्डेक्स पनि तीन दशमलव १७ अंकले उकालो लागेर तीन सय १६ दशमलव ३९ अंकमा चढेको थियो । अन्तिम कारोबार दिन भने बजार परिसूचक ११ दशमलव ३४ अंकले ओरालो लागेर १५ सय ८९ दशमलव ६३ अंकमा झरेकोमा सेन्सिटिभ इन्डेक्स पनि एक दशमलव ६५ अंकले ओरालो लागेर तीन सय १४ दशमलव ७४ अंकमा झरेको थियो ।
यस साता अपी पावर लिमिटेड, नेपाल पुनर्बीमा कम्पनी, सोल्टी होटल लिमिटेड, हिमाल दोलखा हाइड्रोपावर डेभलपमेन्ट कम्पनी लिमिटेड आदिको बढी रकम कारोबार भएका छन् । कारोबार भएको सेयर संख्याका आधारमा भने यस साता सोल्टी अपी पावर लिमिटेड, नेशनल हाइड्रोपावर कम्पनी आदि परेका छन् । बजार पुँजीकरणको आधारमा भने यस साता पनि नेपाल टेलिकम, नबिल बैंक, नेपाल लाइफ इन्स्योरेन्स कम्पनी, नेपाल इन्भेष्टमेन्ट बैंकलगायतका कम्पनीहरु अगाडि परेका छन् । सेयर सूचीकरणतर्फ भने यो साता एनएमबी लघुवित्त वित्तीय संस्था र स्वाभिमान लघुवित्त वित्तीय संस्थाको बोनस सेयर सूचीकृत भएका छन् ।
क्याटेगोरी : बैंक बित्त बजार
ताजा अपडेट
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया