एसियन हाइड्रोपावर कम्पनीले साधारण सेयर निष्काशन गर्ने

काठमाडौं  । एसियन हाइड्रोपावर कम्पनीले छ करोड ९७ लाख २० हजार रुपैयाँबराबरको साधारण सेयरको बिक्री खुला गर्ने भएको छ । कम्पनीले एक सय रुपैयाँ अंकित मूल्य कायम रहने गरी छ लाख ९७ हजार दुई सय कित्ता साधारण सेयरको बिक्री खुला गर्न लागेको हो ।

जारी पुँजी ३४ करोड रुपैयाँमध्येबाट २४ दशमलव ७१ प्रतिशतको अनुपातमा एक सय रुपैयाँ अंकित मूल्य कायम रहेको आठ लाख ४० हजार कित्ता सेयर सर्वसाधारणको लागि छुट्याएको मध्येमा कम्पनीले १० प्रतिशत अर्थात् ८४ हजार कित्ता सेयर वैदेशिक रोजगारीका क्रममा रहेका नेपाली नागरिकहरूलाई बिक्री गरिसकेको छ ।

यसैगरी पाँच प्रतिशत अर्थात् ४२ हजार कित्ता सामूहिक लगानी कोषको लागि र दुई प्रतिशत अर्थात् १६ हजार आठ सय कित्ता कम्पनीमा कार्यरत कर्मचारीहरूको लागि बिक्री गरेपश्चात् कम्पनीले बाँकी रहेको छ लाख ९७ हजार दुई कित्ता सेयर सर्वसाधारणको लागि बिक्री गर्न लागेको हो ।

बिक्री प्रबन्धक एनएमबी क्यापिटलमार्फत यही माघ २७ गतेबाट खुला हुने साधारण सेयरको बिक्रीकार्य छिटोमा फागुन दुई गते र ढिलोमा फागुन १२ गते बन्द हुनेछ । लगानीकर्ताहरूले न्यूनत १० देखि अधिकतम २० हजार कित्तासम्मको साधारण सेयर खरिदको लागि आवेदन दिन सक्नेछन् ।