चीनले मौद्रिक नीति कार्यान्वयनलाई सुदृढ बनाउने
बेइजिङ । चीनले स्थायित्व कायम राख्दै विकास प्रवर्द्धन गर्ने प्रयासमा विद्यमान मौद्रिक नीतिको कार्यान्वयनलाई तीव्रता दिने भएको छ । चीनको केन्द्रीय बैंक पिपुल्स बैंक अफ चाइना (पीबीओसी) ले आफ्नो मौद्रिक नीति समितिको पछिल्लो त्रैमासिक बैठकपछि बिहीबार विज्ञप्ति जारी गरी मौद्रिक नीति कार्यान्वयनमा जोड दिएको हो ।
पीबीओसीका अनुसार चीनको अर्थतन्त्र पुनरुत्थान भइरहेको छ र उच्च गुणस्तरको विकासमा ठोस प्रगति भइरहेको छ । यद्यपि बैठकले देशले अझै पनि अपर्याप्त आन्तरिक माग र कमजोर उपभोक्ता दृष्टिकोणजस्ता चुनौतीहरूको सामना गरिरहेको उल्लेख गरेको छ ।
केन्द्रीय बैंकले पर्याप्त तरलता कायम गर्ने, उचित कर्जा वृद्धि र सन्तुलित ऋण आपूर्तिलाई मार्गदर्शन गर्ने र आर्थिक वृद्धि तथा मूल्यस्तरको अपेक्षित लक्ष्यअनुरूप सामाजिक वित्तपोषण र मुद्रा आपूर्तिको स्तर कायम गर्ने प्रतिबद्धता जनाएको छ ।
केन्द्रीय बैंकले बजार उन्मुख ब्याजदर निर्माण र प्रसारण संयन्त्र सुधार गर्न प्रयास गरिने उल्लेख गरेको छ । बैठकमा उपस्थित अधिकारीहरूले वित्त क्षेत्रमा आपूर्ति पक्ष संरचनात्मक सुधारलाई थप सुदृढ गर्न र वास्तविक अर्थतन्त्रलाई अझ राम्रोसँग टेवा दिन संयन्त्र निर्माण गर्नुपर्ने आवश्यकता औँल्याएको छ ।
क्याटेगोरी : विश्व बजार
ट्याग : #Page 5
ताजा अपडेट
- नदीमा नुहाउने क्रममा डुबेर दुई बालिकाको मृत्यु
- कक्षा कोठामा शिक्षामन्त्री : ‘पुस्तक पुनःप्रयोग गर्न जतन गरेर राख्नुहोस्’
- मन्त्री श्रेष्ठद्वारा विश्वविद्यालयलाई राजनीतिकरण नगर्न आग्रह
- देश निर्माणमा सबै पक्षको उत्तिकै दायित्व छ: मन्त्री जोशी
- नियमित विवरण अद्यावधिक नगर्ने सहकारीलाई कारबाही गर्दै कामपा
- बुल्दीखोलाको स्वरुप फर्काउने प्रयास
- कृषि उद्यमीहरुको क्षमता अभिवृद्धि तालिम सम्पन्न
- पहिचान फेरिएको फुस्रेबजार
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया