टर्की र सिरियामा भूकम्पबाट मर्नेको संख्या ११ हजार नाघ्यो
टर्कीमा साढे ८ हजार र सिरियामा झण्डै ३ हजारको मृत्यु
इस्तानबुल । टर्की र सिरियाको सीमानजिकै ग्याजियान्टेप केन्द्रविन्दु भएर सोमबार बिहान गएको भूकम्पमा मर्नेको संख्या ११ हजार नाघेको छ । अन्तर्राष्ट्रिय समाचार संस्थाहरुका अनुसार भूकम्पमा बुधबार रातिसम्म मृत्यु हुनेको संख्या ११ हजार तीन सय ७६ नाघेको हो ।
टर्कीका अधिकारीहरुले टर्कीमा मात्रै कम्तीमा आठ हजार पाँच सय ७४ जनाको मृत्यु भएको उल्लेख गरेका छन् । जहाँ घाइतेहरुको संख्या करिब ५० हजार छ । बुधबार भूकम्पप्रभावित क्षेत्रमा टर्कीका राष्ट्रपति रिसिप टायिप एर्डोगानले भ्रमण गरेका थिए ।
यता सिरियामा कुल मृतक संख्या दुई हजार आठ सय दुई पुगेको छ । सिरियाको विद्रोही नियन्त्रित उत्तरपश्चिमी क्षेत्रमा मात्रै एक हजार पाँच सय ४० जना पुगेको छ । त्यस्तै बसद अल असाद सरकारको नियन्त्रणमा रहेको क्षेत्रमा एक हजार दुई सय ६२ जनाको मृत्यु भएको सिरियाली सरकारका स्वास्थ्यमन्त्री हसन अल गोबासले जानकारी दिएको सिरियन मिडियाले उल्लेख गरेका छन् । सिरियाली सरकार नियन्त्रित क्षेत्रमा पाँच हजार बढी घाइते छन् भने विद्रोहीको नियन्त्रणमा रहेको भूभागमा दुइ हजार सात सय ५० घाइते छन् । दुवै देशमा खोजी र उद्धारको काम भइरहेकाले मृतक र घाइतेको संख्या अझै बढ्न सक्नेछ ।
६० घण्टा बित्दा पनि भग्नावशेषमा जीवितै भेटिँदै छन् मानिसहरू
भूकम्पले हजारौँ भवनहरु भत्किन पुगेका छन् । ती भवनहरुबाट अझै पनि मानिसहरु जीवितै भेटिइरहेको एजेन्सीहरुले उल्लेख गरेका छन् । भूकम्पनको ६०औँ घण्टासम्म पनि मानिसहरुको जीवितै उद्धार गरिएको अमेरिकी केबल न्युज नेटवर्कले जनाएको छ । ६०औँ घण्टामा एक बच्चासहित छ जनाको जीवितै उद्धार गरिएको हो ।
भूकम्पको कारण टर्कीको इस्केन्डेरन बन्दरगाहमा आगलागी भएको छ । जसका कारण कयौँ पानीजहाजलाई अन्तै सारिएको छ भने आगो निभाउने प्रयास जारी छ । मानिसहरु भूकम्पको दुई दिनपछि पनि जीवितै भेटिइरहँदा चिसो मौसमले उद्धार र खोजीमा कठिनाइ भएको बताइएको छ ।
विश्व समुदायबाट धमाधम सहयोग घोषणा
भूकम्पले तहसनहस भएका दुवै देशका लागि विश्व समुदायले सहयोगको घोषणा गरिरहेका छन् । भूकम्पलगत्तै खोजी र उद्धारका लागि टोली पठाएका विभिन्न देशहरुले अत्यावश्यक सामग्रीबाहेक ठूलो राशिको सहयोग पनि घोषणा गरिरहेका छन् । यसअनुसार चीनले ४४ लाख अमेरिकी डलर आकस्मिक मानवीय सहायतास्वरुप सिरियामा रकम पठाउने भएको छ । यसबाहेक २० लाख डलर तत्काल आवश्यक सामग्रीका लागि रहेको चिनियाँ विदेश मामिला मन्त्रालयले जनाएको छ ।
त्यस्तै संयुक्त अरब इमिरेट्स, भारत, इजिप्ट, अल्जेरिया, आर्मोनिया, इरान, लिबिया, इराक र जोर्डनले पनि विमानमार्फत सिरियाली सरकारलाई सहयोग उपलब्ध गराएका छन् । यूएईले सिरिया र टर्कीलाई मंगलबार नै १० करोड अमेरिकी डलर उपलब्ध गराउने जनाएको थियो । उसले दुई विमानमा सहायता सामग्री दमास्कस पठाएको थियो । यता अल्जेरियाले पनि एलेप्पोमा उद्धार टोलीसहितको सामग्री पठाएको बताइएको छ ।
यता टर्कीमा यसअघि नै युरोपेली संघ, अमेरिका, बेलायत, जर्मनी, फ्रान्स, भारतलगायका देशले उद्धार टोली र राहत सामग्री पठाएका थिए ।
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया