टेक्सस । विज्ञापनका कट्टर विरोधी एलन मस्कले टेस्लाको विज्ञापन गर्ने बताएका छन् । मस्कको विद्युतीय सवारीसाधन निर्माता कम्पनी टेस्लाले इतिहासमै पहिलो पटक आफ्नो विज्ञापन गर्दैछ ।
यो कुरा मस्कले मंगलबार टेक्ससमा आयोजित वार्षिक साधारणसभामा सेयरधनीलाई बताएका हुन् । उनले विज्ञापन गरेर बिक्री बढाउन कोसिस गरिने र यसको नतिजा कस्तो आउँछ भनेर हेरिने बताएका छन् ।
मस्कले ट्विटर किनेपछि विज्ञापनबारे धारणा फेरिएको विश्लेषण गरिएको छ । किनभने मस्कले किन्नुभन्दा अगाडि ट्विटरको ९० प्रतिशत आम्दानी विज्ञापनबाटै हुन्थ्यो । यही कारण अहिले मस्कले पनि विज्ञापन आवश्यक भएको बताउन थालेका हुन् ।
सामाजिक सञ्जाल प्लेटफर्म विज्ञापनहरुमा अत्यधिक निर्भर रहने भएकाले उनले टेस्लाको विज्ञापन ट्विटरमा गर्न खोजेको देखिन्छ । उनले सभामा सबैले विज्ञापन गर्नुपर्ने धारणा राखेका छन् । उनको यो भनाइप्रति साधारणसभामा सहभागी सबै सकारात्मक देखिएका छन् ।
मस्कले आफू टेस्लाको सीईओको रुपमा रहिरहने बताए । मस्कले सभामा अन्य विषयवस्तु प्रस्तुत गर्नुभन्दा बढी विज्ञापनको कुरा गर्दा उत्साहित थिए ।
यसअघि मस्कले आफ्ना सवारीसाधनको माग धेरै रहेकोले विज्ञापनको आवश्यकता नरहेको बताउने गरेका थिए । उनले विज्ञापन गर्ने पैसा उत्पादन राम्रो बनाउन खर्च गर्ने बताउँदै आएका थिए । मस्कले बढ्दो प्रतिस्पर्धा र सुस्त अर्थतन्त्रले टेस्लालाई मूल्य घटाउन बाध्य बनाएको पनि बताए ।
चर्किँदै गएको प्रतिस्पर्धा, बढ्दो ब्याजदरलगायतका कारण टेस्लाले यस वर्ष सवारीसाधनको मूल्य घटाएको थियो । मूल्य घटाउनुपर्दा नाफा खुम्चिएको छ । तर पनि मस्कले आगामी वर्षभित्र थप दुई नयाँ उत्पादन ल्याउने घोषणा गरेका छन् ।
क्याटेगोरी : विश्व बजार
ट्याग : #Page 5
ताजा अपडेट
- दश महिनाको आर्थिक चित्र नकारात्मक
- बजेटमार्फत ऊर्जा दशक र विशेष सुरक्षा नीति घोषणा गर्न माग
- आन्तरिक राजस्व कार्यालय विराटनगरद्वारा लक्ष्यको ९० प्रतिशत राजस्व संकलन
- बैंक खाता रोक्का तथा फुकुवासम्बन्धी नयाँ व्यवस्था
- सुर्तीजन्य पदार्थ नियन्त्रणमा सरकार उदासीन
- बचतकर्ताको विवरण जलाउन आइडियल यमुना सहकारीमा रहस्यमय आगजनी
- जंगी अड्डामा अभूतपूर्व सन्नाटा !
- आगामी दुई दिन गर्मी बढ्ने, सावधानी अपनाउन आग्रह
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया