लोक सेवा आयोगद्वारा कर्मचारी माग

काठमाडौं । लोक सेवा आयोगले शुक्रबार सूचना प्रकाशित गर्दै प्राविधिक र स्वास्थ्यतर्फ कर्मचारी मागेको छ। आयोगले राजपत्रांकित तृतीय श्रेणीको प्राविधिक, स्वास्थ्य सेवातर्फ सातौं र आठौं तहमा गरी २५७ कर्मचारी मागेको हो।

इच्छुक र योग्यता पुगेका उम्मेदवारले मंसिर १९ गतेभित्र दरखास्त दिन सक्ने आयोगले जनाएको छ । आवेदकले आयोगको वेभ साइटबाट अनलाइन दरखास्त दिन सक्ने छन् । दरखास्त शुल्क १ हजार २ सय र एकै समूह, उपसमूहको पदको समावेशी समूहतर्फ आवेदन दिन प्रत्येक समूहका लागि थप ४ सय दस्तुर बुझाउनु पर्नेछ।