दैलेखमा पेट्रोलियम पदार्थ अन्वेषणको अन्तिम ड्रिलिङ सुरु
काठमाडौं । दैलेखमा पेट्रोलियम पदार्थ अन्वेषणका लागि अन्तिम चरणको ड्रिलिङको काम सुरु भएको छ । जिल्लाको भैरवी गाउँपालिका वडा नम्बर १ जलजलेमा राष्ट्रिय गौरवको आयोजनाका रुपमा लिइएको आयोजनाको ड्रिलिङको कामको आइतबार सुभारम्भ गरिएको हो ।
ड्रिलिङको उद्योग, वाणिज्य तथा आपूर्ति मन्त्री दामोदर भण्डारीले सुरुवात र चाइना जियोलोजिकल सर्भे प्रोजेक्टका इन्चार्ज डा. याङ्ग पिङ्गले चिन र नेपालको अन्वेषण स्थलमा झण्डोत्तलन गरी शुभारम्भ गरेका हुन् ।
२०७६ साल असोजदेखि सुरु गरिएको पेट्रोलियम पदार्थ अन्वेषणको कामको अन्तिम चरणको काम सुरु भएको आयोजनाका प्रमुख दिनेश कुमार नापितले जानकारी दिए । कोभिड लगायतका कारणले केही ढीलो हुन गएको भए पनि अब कामले रफ्तार लिने उनको भनाइ थियो । अबको ४ महिनामा काम सक्ने गरि अघि बढीएको उनको भनाइ छ । ४ किलोमिटर जमिनमुनि ड्रिलिङ गरिने र अहिले आवश्यक सामनहरु आइसकेको उनले बताए ।
यो अन्वेषणपछि दैलेखमा कति क्षमता (भण्डारण) को पेट्रोलियम पदार्थ छ भन्ने पत्ता लगाउनुका साथै गहिराई पनि मापन हुने जनाइएको छ । परिणाम कति छ ? कहाँ कहाँसम्म फैलिएको छ ? उत्खननका लागि खर्च र फाइँदाबारे भने अन्तिम अन्वेषण ड्रिलिङ गर्ने कार्यपछि थाहा हुने भूगर्भ विभागका पेट्रोलियम अन्वेषण परियोजना प्रमुख समेत रहेको नापितले बताए ।
नेपाली र चीनको प्राविधिक टोलीले यसअघि पहिलो चरणअन्तर्गतको सिस्मिक सर्भे, जियोलोजिकल सर्भे, म्याग्नेटो टेल्युरिक सर्भे र जिओ केमिकल स्याम्पलिङ सर्भे गरी ४ वटा सर्भेका काम गरिसकेको छ ।
क्याटेगोरी : कर्पोरेट-वाणिज्य-उद्योग, समाचार, कर्णाली प्रदेश
ताजा अपडेट
- सदनमा गृहमन्त्री लामिछानेलाई बोल्न दिने विपक्षी दलको निर्णय
- तोलामा एक हजार छ सयले सुनको मूल्यमा वृद्धि
- विदेशी हस्तक्षेपको अन्त्य हुनुपर्छ: महासचिव पोख्रेल
- मौद्रिक नीतिले पार्ने प्रभाव
- आसन्न बजेट भाषण र तलब वृद्धि
- संसद्मा अब यस्तो कहिल्यै नहोस्
- प्रथम पशुपति चौलागाईं स्मृति कपको उपाधि कालिञ्चोकलाई
- भेरी करिडोरको तल्नुबगर ‘बेलिब्रिज’ सञ्चालन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया