Techie IT
×
गृहपृष्ठसमाचारसिटिजन बैंकको एटीएम फुटाएर रकम चोरी गर्न खोज्ने दुई जना पक्राउ

सिटिजन बैंकको एटीएम फुटाएर रकम चोरी गर्न खोज्ने दुई जना पक्राउ


काठमाडौं, पुस १४
चन्द्रागिरि नगरपालिका ७ थानकोटस्थित सिटिजन बैंकको एटीएम फुटाएर रकम चोरी गर्ने दुई जनालाई शनिबार राति प्रहरीले पक्राउ गरेको छ । पक्राउ पर्नेहरूमा सोही नगरपालिका ५ दाउरा डिपो बस्ने मुगु सोरू गाउँपालिका ६ घर भएकाहरू २४ वर्षीय चित्र बहादुर शाही र २० वर्षीय नन्दराज धराल रहेका छन् । उक्त एटीएम मेसिनभित्र राखेको नगद चोरी गर्ने उद्देश्यले एटीएम राखेको सटरको ताल्चा र मेसिन समेत फुटाएर क्षति पु-याएका थिए । उनीहरुलाई महानगरीय प्रहरी वृत्त थानकोटबाट खटिएको प्रहरीले फेला पारी पक्राउ गरेको हो । उनीहरुको साथबाट एटीएम मेसिन फुटाउन प्रयोग गरेको ढुंगा, पिलास, फलामको रेन्च र चक्कु प्रहरीले बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।


क्याटेगोरी : समाचार

तपाईको प्रतिक्रिया