सरकारले तोकेभन्दा बढी शुल्क लिँदै मणिपाल मेडिकल कलेज
काठमाडौँ । पोखरास्थित मणिपाल मेडिकल कलेजले एमबीबीएस अध्ययनका लागि भर्ना हुन आएका विद्यार्थीहरूसँग सरकारले तोकेभन्दा छ लाख बढी शुल्क लिनेगरेको पाइएको छ । चिकित्सा शिक्षा ऐन आयोगले तोकेको भन्दा बढी शुल्क कलेजले लिएपछि विद्यार्थी र अभिभावकले सोमबार मणिपाल मेडिकल कलेजमा तालाबन्दी गरेका छन् ।
नियमविपरीत असुलेको शुल्क फिर्ता नगरेसम्म कलेजमा तालाबन्दी लगाउने चिकित्सा शिक्षा संघर्ष अभियानका विद्यार्थी र अभिभावकले बताएका छन् । समितिले एक विज्ञप्ति जारी गरी गैरकानुनी रूपमा शुल्क नलिन कलेजलाई चेतावनी दिएको छ ।
आयोगले लिएको प्रवेश परीक्षामा मेरिटमा रहेका विद्यार्थीले म्याचिङअनुसार भर्ना र एमबीबीएस अध्ययनका लागि नियमअनुसार पहिलो किस्ताको शिक्षण शुल्क विश्वविद्यालयको खातामा जम्मा गरिसकेका छन् ।
तर कलेजले त्यसरी नियमअनुसार शुल्क तिरेका विद्यार्थीसँग अतिरिक्त रकम मागेपछि विद्यार्थी र अभिभावक आन्दोलनमा उत्रिएका हुन् । चिकित्सा शिक्षा ऐनअनुसार शिक्षण शुल्कका नाममा आयोगले तोकेभन्दा बढी शुल्क लिनु गैरकानुनी मानिन्छ ।
नेपालका मेडिकल कलेजहरू गैरनाफामुलक बनाउने भनेर चिकित्सा शिक्षा ऐन बनेको छ । तर मेडिकल कलेजहरू माफियाको कब्जामा परेपछि विद्यार्थीको ढाड सेक्ने गरी शुल्क लिँदा पनि सरोकारबाला निकाय भने गुपचुप बनेको छ ।
पोखराको यो कलेज पहिला देखि नै विवादित बन्दै आएको छ । यसअघि प्रतिनिधिसभाको शिक्षा तथा स्वास्थ्य समितिका सांसदहरूले मणिपाल मेडिकल कलेजको किनबेच रोक्नुपर्ने आवाज उठाएका थिए । मणिपाल गुप्र र शिक्षा, संस्कृति तथा समाज कल्याण मन्त्रालयबीच सन् १९९२ मा नेपालमा मेडिकल कलेज सञ्चालन गर्ने सम्झौता भएको थियो ।
बुट मोडेलअनुसार निर्माण भएकाले सन् २०४४ भित्र यो अस्पताल सरकारलाई हस्तान्तरण गर्नुपथ्र्यो । तर सम्झौता सकिनु २३ वर्षअगावै मणिपाल ग्रुपले सरकारी पक्षलाई थाहै नदिई बिक्री गरेको थियो । मणिपाल कलेज स्थापना हुँदाको सम्झौतामा सरकार पहिलो पक्ष भएकाले किनबेचमा सरकारको सहभागिता हुनुपर्ने थियो तर उनीहरूले थाहै नदिई किनबेच गरेका थिए ।
क्याटेगोरी : समाचार
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया