होल्डिङ सेन्टरमै पीसीआर परीक्षण गर्न स्थानीय सरकारको माग
महेन्द्र शाही
सोलुखुम्बु, साउन ८
सोलुखुम्बुका स्थानीय तहले विदेशबाट आएकालाई होल्डिङ सेन्टरमै कोरोना परीक्षण तथा आवश्यक उपचारपछि मात्रै सम्बन्धित पालिका पठाउन माग गरेका छन् । विदेशबाट आएका चार जनामा एकैपटक कोरोना पोजेटिभ देखिएपछि सबै स्थानीय तहले संयुक्तरूपमा प्रदेश र केन्द्र सरकारसँग होल्डिङ सेन्टरमा नै पीसीआर पीरक्षणको व्यवस्था मिलाउन आग्रह गरेका हुन् । एकैचोटी गाउँ आउँदा समुदायस्तरमा संक्रमण फैलनसक्ने भन्दै होल्डिङ सेन्टरमा पीसीआर परीक्षण तथा उपचारको व्यवस्था मिलाउन अपिल पत्र जारी गरेको थुलुङ दूधकोशी गाउँपालिका अध्यक्ष असीम राईले जानकारी दिए ।
जिल्लामा विदेशबाट आएकाहरूमा कोरोना पोजेटिभ देखिएपछि स्थानीय तहले प्रदेश र संघीय सरकारसँग माग गरेका हुन् । जिल्लाका ८ स्थानीय तहमध्ये ७ वटा स्थानीय तहका प्रमुखको हस्ताक्षर रहेको अपिल पत्रमा वैदेशिक रोजगारीबाट आएकालाई होल्डिङ सेटन्रबाट सिधै सम्बन्धित जिल्ला वा पालिका पठाउँदा जोखिम बढेको भन्दै थप सतर्कता अपनाउन आवश्यक रहेको उल्लेख गरिएको छ । महामारी नियन्त्रण तथा रोकथामका लागि स्थानीय सरकार जिम्मेवार ढंगबाट काम गरिरहेको भन्दै गाउँपालिकामा स्रोत साधान तथा जनशक्ति समेत अभाव हुँदा चुनौती थपिएको ठहर गरिएको छ ।
भौगलिक विकटता, प्रविधि र दक्ष स्वास्थ्यकर्मीको अभावका कारण क्वारेन्टाइनबाट स्वाब सङ्कलन गरी परीक्षणका लागि पठाउनसमेत समस्या भएको अपिल पत्रमा उल्लेख गरिएको छ । तीन तहको सरकारबीचको समन्वय र स्थानीयको थप सजगताले पनि महामारी रोथाम गर्न सकिने थुलुङदूधकोशी अध्यक्ष असिम राईको भनाइ छ । सोमबार मात्रै वैदेशिक रोजगारीबाट गाउँ आएका जिल्लाका ४ जनामा कोरोना पोजेटिभ देखिएको थियो । जिल्लामा कोरोना भाइरसका संक्रमित भेटिएपछि थप स्वास्थ्य सतर्कता अपनाइएको छ । यसअघि पनि जिल्लाका एक पुरुष कोरोना संक्रमण देखिएको थियो । उनी उपचारपछि निको भइसकेका छन् ।
क्याटेगोरी : बिबिध
ताजा अपडेट
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया