Techie IT
×
गृहपृष्ठबिबिधशिक्षक सरुवा तथा नियुक्तिमा मनपरी

शिक्षक सरुवा तथा नियुक्तिमा मनपरी


गुल्मी ।
शिक्षक सरुवा तथा नियुक्तिमा मनपरी गरिएको भन्दै नेपाल शिक्षक संघ मालिका गाउँपालिका गुल्मीले मालिका गाउँपालिकामा ध्यानाकर्षण पत्र बुझाएको छ । गाउँपालिकाले शिक्षाको दरबन्दी थपघट गर्ने, राजनीतिक आस्थाको आधारमा शिक्षकको सरुवा गरेको भन्दै नेपाल शिक्षक संघले आईतबार प्रमुख प्रशासकीय अधिकृत दीपक भण्डारीलाई ध्यानाकर्षण पत्र बुझाएको हो ।

मालिका गाउँपालिकाको गाउँ शिक्षा समितिबाट कार्यदलको सुझाव विपरीत एकपक्षीय रुपमा शिक्षाको दरबन्दी थपघट गर्ने, राजनीतिक आस्थाको आधारमा शिक्षकको सरुवा गर्ने र नियुक्ति गर्ने काम भएकोले शिक्षक संघको गम्भीर ध्यानाकर्षण भएको भन्दै ध्यानाकर्षण पत्र बुझाइएको नेपाल शिक्षक संघ जिल्ला कार्य समिति गुल्मीका सहसचिव वासुदेव घिमिरेले जानकारी दिए ।

गाउँपालिका भित्र रहेका विद्यालयमा सरुवा हुनको लागि राजनीतिक पाटी प्रवेश गर्नैै पर्ने, टिका लगाउनैपर्ने भन्दै शिक्षक संघ मालिका गाउँपालिकाले आपत्ति जनाएको थियो । ज्ञापनपत्र बुझ्दै मालिका गाउँपालिकाले शिक्षाको क्षेत्रमा महत्वपूर्ण भूमिका खेल्दै गाउँपालिकाका शिक्षक संघका ९५ प्रतिशत माग पूरा गर्दै आएको मालिका गाउँपालिका प्रमुख प्रशासकीय अधिकृत दीपक भण्डारीले जानाकारी दिए ।

गाउँपालिकामा नेपाल शिक्षक संघले गरेको माग स्वाभाविक भएकाले गाउँपालिकामा शिक्षाको गुणस्तर खस्केको गुनासो चारैतिरबाट आएकाले सबै शिक्षकहरुलाई आफ्नो पेशागत मर्यादामा काम गर्न प्रमुख प्रशासकीय अधिकृत भण्डारीले बताए । शिक्षकहरूको मागलाई सम्बोधन गर्दैै गाउँपालिका अध्यक्ष रीत बहादुर थापाले शिक्षाको क्षेत्रमा कुनै राजनीतिक रंग नमिसिएको र राजनीति नगर्न समेत सबै शिक्षकहरूलाई मालिका गाउँपालिका अध्यक्ष रित बहादुर थापाले आग्रह गरेका छन् ।



तपाईको प्रतिक्रिया