धनगढी ।
१४ जनाविरुद्ध ठगी मुद्दा दायर गर्ने बैंक अफ काठमाण्डू कैलाली शाखाका तत्कालीन प्रबन्धकलाई अदालतले दोषी ठहर गरेको छ । जिल्ला अदालत कैलालीले बैंक अफ काठमाण्डूका तत्कालीन प्रबन्धक दीपक खनालले २०७५ साल भदौँमा धनगढीकै १४ जनाविरुद्ध दायर गरेको सरकारी कागज, छाप, दस्तखत किर्ते र ठगी मुद्दामा खनाललाई नै दोषी ठहर गरेको हो ।
अदालतका श्रेस्तेदार राइभान कुन्जेडाले मंगलबार जिल्ला अदालतका न्यायाधीश बाबुकाजी श्रेष्ठको इजलासले खनालले मालपोत कार्यालयका लेखनदास, बैंककै कर्मचारी र केही जग्गाधनीविरुद्ध दायर गरेको मुद्दामा जाहेरीवालालाई दोषी ठहर गरी अन्य १३ जनालाई सफाइ दिएको जानकारी दिए । अदालतले खनालको जाहेरीले प्रतिवादी बनेका धनगढीका जग्गाधनी रामबहादुर कुवँर, दीपक कुवँर, प्रभा तामाङ, दोर्जे लामा, कमलबहादुर तामाङ र धनबहादुर तामाङलाई सफाइ दिएको हो । अर्का जग्गाधनी दीपक खड्काको मुद्दा भने तामेलीमा राखिएको अदालतले जनाएको छ ।
अदालतका श्रेस्तेदार कुन्जेडाका अनुसार खड्का नेपालबाहिर भएकाले स्वदेशमा भेटिनेबितिकै मुद्दा चलाउने गरी मुद्दा तामेलीमा राखिएको हो । धनगढीको क्याम्पस चोकमा डेरी सञ्चालन गर्दै आएका खड्का मिटर ब्याज धन्दामा फसेका थिए । यस्तै अदालतले खनालले प्रतिवादी बनाएका मालपोत कार्यालय कैलालीका लेखनदास प्रकाश पन्त, खेमबहादुर विष्ट, भोजबहादुर थापा र हरीप्रसाद जोशीले पनि सफाइ पाएका छन् । खनालकै सहकर्मीहरू महेश जोशी, बुझाउन चौधरी र प्रकाशदत्त भट्टले पनि सफाइ पाएको अदालतले जनाएको छ ।
अदालतले जाहेरी दिने बैंकका तत्कालीन प्रबन्धक खनाललाई दोषी ठहर गरे पनि सजाय भने निर्धारण गरेको छैन । आउँदो पुस २३ गते मात्र सो मुद्दामा दोषी ठहर भएका खनालाई हुने सजायको निर्धारण गरिने बताइएको छ । उनलाई कैद र बिगोबराबरको जरिवाना हुने सम्भावना रहेको बताइएको छ ।
खनालले मुद्दा दायर गर्दै किर्ते छाप, दस्खत र कागजपत्र तयार गरी जग्गाधनीहरूले ऋण लिएर आफूलाई ठगी गरेकाले सजायको माग दाबीसहित मुद्दा दायर गरेका थिए । उनले किर्ते कागजपत्र पेस गरी ती जग्गाधनीहरूले दुई करोड २४ लाख रूपैयाँ ऋण लिएको भन्दै असुलउपर गराउन मागदाबी गरेका थिए । तर अदालतले उल्टै खनालाई दोषी ठहर गरेको हो ।
क्याटेगोरी : बिबिध
ताजा अपडेट
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया