सुवास बस्नेत
दोलखा, माघ २०
बैतेश्वर गाउँपालिकामा पालिका जोड्ने २७ किलोमिटरको फ्रास्ट ट्र्याकसहित २ वर्षमा २७ वटा शाखा सडक निर्माण भएका छन् । गाउँपालिकाको केन्द्र हुँदै चल्ने मुख्य सडकको दुईतर्फबाट पिच गरिने भएको छ भने अन्य शाखा सडकको भने सोलिङ गरिएको छ । गाउँपालिकाले यी सबै सडक निर्माण गर्न करिब नौ करोड बजेट खर्च गरेको छ । पालिकाले पालिकाभित्रका ८ वडालाई पायक पर्ने २७ किलोमिटरको मुख्य सडकको कालोपत्रेको काम आंशिकरूपमा सुरु गरिसकेको छ । पालिका जोड्ने मुख्य सडकको कालोपत्रेको काम गोपी खोला गैरिमुदीबाट दुई करोडको लागतमा मैया निर्माण सेवाले सुरु गरेको छ ।
त्यसैगरी दोस्रो चरणमा पालिकाको मैनापोखरी फेदी सडकको पनि कालोपत्रे गर्न दुई करोड बजेट छुट्याएको छ । यी दुवै सडकको कालोपत्रे गर्न गाउँपालिकाले चार करोड बजेट विनियोजन गरेको हो । त्यसैगरी बागमती प्रदेश सरकारले गाउँपालिकाको वडा नं ३ र ४ जोड्ने खानीखोला पुल निर्माणको लागि दुई करोड ४० लाख बजेट दिएको छ । उक्त पुल निर्माणको काम गरिरहेको गाउँपालिकाका अध्यक्ष छवि लामाले आर्थिक दैनिकलाई बताए । बैतेश्वर गाउँपालिकाले छोटो दूरीका अन्य २७ वटा शाखा सडक निर्माण गर्न करिब पाँच करोड बजेट खर्च गरिसकेको गाउँपालिकाका उपाध्यक्ष रविचन्द्र आचार्यले जानकारी दिए ।
उनका अनुसार स्थानीय सरकार बनेपछि गाउँगाउको समस्यालाई स्थानीय सरकारसँग जोड्ने उद्देश्यले छोटो दूरीका सडक निर्माण गरिएको हो । गाउँपालिकाभित्रका वडा १ देखि ८ सम्म २७ वटा सडक निर्माण भएका छन् । अहिले गाउँपालिकाले सडकको स्तरोन्नति गर्दैै सडक टिकाउन सोलिङ बिछ्याउने र साइट कटिङसँगै सडक नाला निर्माण गर्न वार्षिकरूपमा साधारण बजेट छुट्याइरहेको गाउँपालिकाका अधिकृत विक्रम कार्कीले जानकारी दिए । उनका अनुसार गाउँपालिकाले किसानलाई लक्षित गरेर करिब ६० लाख बजेट खर्च गरेर चारवटा सडक निर्माण गरेको छ । निर्माण भएका कृषि सडकको दूरी ५ किलोमिटरभन्दा कम रहेको उनले बताए । गाउँपालिकाले भर्खर मात्र पालिकादेखि खानीखोलासम्मको ३ किलोमिटरको लप्से निमकोट सडक निर्माण सम्पन्न गरेको छ । करिब छ लाखको लागतमा उक्त सडक निर्माण गरिएको हो ।
क्याटेगोरी : बिबिध
ताजा अपडेट
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया