दाङ्गको लमहीमा सिद्धार्थ होटल ग्रिन लुम्बिनी सञ्चालनमा
काठमाडौं । दाङ्गको लमहीमा सिद्धार्थ होटल ग्रिन लुम्बिनी सञ्चालनमा आएको छ । होटल ग्रिन लुम्बिनीे प्रालिले सिद्धार्थ बिजनेस ग्रुप अफ हस्पिटालिटी प्रालिसँग व्यवस्थापकीय साझेदारीमा दाङ्गको लमहीमा होटल सञ्चालनमा ल्याएको हो ।
होटलको शुभारम्भ शुक्रबारबाट भएको होटल ग्रिन लुम्बिनीे प्रालि अध्यक्ष लक्ष्मण भण्डारीले जानकारी दिए । अध्यक्ष भण्डारीले लुम्बिनी प्रदेशमा आन्तरिक र बाह्य पर्यटकहरुलाई भित्र्याउँदै यस क्षेत्रको समृद्धिमा सहयोग गर्ने अपेक्षासहित आफ्ना गतिविधि सञ्चालनमा राख्ने जानकारी दिए । सिद्धार्थ हस्पिटालिटी ग्रुपले व्यवस्थापकीय साझेदारीको रुपमा लिएको होटल ग्रिन लुम्बिनीेमा २० वटा अत्याधुनिक सुविधायुक्त कोठा, तालिम र पार्टीका लागि तीनवटा फरक–फरक क्षमता भएका हल, पारिवारिक वातावरण भएको रेष्टुरेन्ट, प्राइभेट डाइनिङ हल, बार, स्विमिङ पुल, स्पालगायतका सुविधाहरु उपलब्ध छन् । निकट भविष्यमा ४२ वटा अत्याधुनिक सुविधायुक्त कोठा, जिम, हेल्थ क्लब, साथै चार तारे स्तरीय सुविधा दिने योजना रहेको अध्यक्ष भण्डारीले जानकारी दिए ।
होटल, रेष्टुरेन्ट, रिसोर्ट, बेकरी, क्याफे, होटल म्यानेजमेन्ट इष्टिच्युटजस्ता हस्पिटालिटी क्षेत्रका व्यवसायहरुको नेटवर्क बनाएर सिद्धार्थ ग्रुपले देशका विभिन्न स्थानहरुमा ३० वटा शाखामार्फत गुणस्तरीय हस्पिटालिटी सेवा प्रदान गर्दै आएकोे छ । आफ्नो सेवालाई विस्तार गर्ने क्रममा सिद्धार्थ ग्रुपले दाङ्गको लमहीस्थित होटल ग्रिन लुम्बिनीमा पनि व्यवस्थापकीय साझेदारीसहित सेवा विस्तार गरेको हो । दाङ्ग लगायत लुम्बिनी प्रदेशमा होटल व्यवसायलाई थप गुणस्तरीय बनाउने उद्देश्यका साथ सिद्धार्थ गु्रपले देशका अन्य प्रमुख सहरहरुमा पनि त्यहाँका व्यवसायीहरुसँग व्यवस्थापकीय सहकार्य गरेर सेवा विस्तार गर्ने तयारी गरिरहेको जनाएको छ । सिद्धार्थ ग्रुपले नेपालगन्जमा चारतारे होटल सञ्चालन गरिरहेको छ भने भैरहवामा पाँचतारे होटल सञ्चालनको तयारीमा छ । ग्रुपले स्थानीयलाई रोजगारीको अवसर प्रदान गर्ने र स्थानीय उत्पादित सामानहरुलाई प्रोत्साहन दिनुका साथै बजारीकरण गर्न सधैँ प्रयत्नशील रहेकोमा दाङ्गमा पनि सो कार्यलाई निरन्तरता दिइने उल्लेख गरेको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया