लुक्ला विमानस्थलबाट एक वर्षमा एक लाख बढीले लिए हवाई सेवा
सोलुखुम्बु । सोलुखुम्बुको तेन्जिङ हिल्लारी विमानस्थल लुक्लामा एक वर्षभित्र एक लाख बढीले हवाई सेवा लिएका छन् । पर्यटकीय विमानस्थल लुक्लामा सन २०२२ को जनवरीदेखि डिसेम्बरसम्म एक लाख एक हजार पाँच सय एक जनाले हवाई सेवा लिएको नेपाल नागरिक उड्डयन प्राधिकरण लुक्लाले जनाएको छ ।
प्राधिकारण लुक्लाका अनुसार एक वर्षको अवधिमा ४१ हजार एक सय १८ जना सोलु भित्रिएका छन् भने ६० हजार तीन सय ८३ जना बाहिरिएका छन् । सो अवधिमा १३ हजार आठ सय ४५ पटक उडान तथा अवतरण भएको प्राधिकरण प्रमुख महेश श्रेष्ठले जानकारी दिए । बढीजसो उडान तथा अवतरण जहाजको र केही मात्रामा हेलिकोप्टरको पनि रहेको प्राधिकरण प्रमुख श्रेष्ठले बताए । लुक्लाबाट एक वर्षभित्र आठ लाख ८९ हजार चार सय २९ किलो कार्गो रामेछापको मन्थली र काठमाडौं ढुवानी गरिएको छ भने सात लाख २६ हजार तीन सय २१ किलो कार्गो भित्रिएको प्राधिकरणले जनाएको छ । ढुवानी गरिएको कार्गो सामग्रीहरूमा रासन, तरकारी, निर्माण सामग्री, पर्यटकहरूको क्याम्पिङ, कपडालगायतका रहेको बताइएको छ ।
विश्वको सर्वोच्च शिखर सगरमाथा क्षेत्रमा भ्रमणका लागि आउने विदेशी तथा स्वदेशी पर्यटकहरूले यस विमानस्थल प्रयोग गर्ने गर्दछन् । रोमाञ्चक अनुभूति दिने विश्वभरका विमानस्थलमध्ये आठौँ स्थानमा लुक्ला पर्दछ । लुक्ला विमानस्थलका लागि उडान गर्दा १० मिनेटमा देखिने दृश्य र अनुभवले निकै रोमाञ्च सिर्जना गर्ने जानकारहरू बताउँछन् । यो विमानस्थल सर एडमन्ड हिलारीको सहयोगमा सन् १९६० निर्माण भएको हो । विसं २०६४ पुसमा एडमन्ड हिलारी र तेन्जिङ नोर्गे शेर्पाको सम्मानमा उनीहरूकै नामबाट विमानस्थलको नामाकरण गरिएको हो ।
क्याटेगोरी : बिबिध
ताजा अपडेट
- इलाम उपनिर्वाचन : एमालेका नेम्बाङको अग्रता कायमै
- नेपालमा पेट्रोलियम पदार्थ पत्ता लगाउन अन्तिम चरणको ‘ड्रिलिङ’ गरिँदै, हालसम्मको उपलब्धि के?
- पाँच वर्षपछि नेपालमा लगानी सम्मेलन, प्रधानमन्त्रीले लगानीकर्तालाई देखाएका अवसर कस्ता
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
- हिमाञ्चल प्रदेशमा बहादुरसिंहको शालिक अनावरण
- हालसम्म मकवानपुरमा डेङ्गु सङ्क्रमितबाट एक जनाको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया