भारत सरकारले दिएको ५० हजार मेट्रिक टन गहुँ तुरुन्त मगाउन सरकारसँग आग्रह
काठमाडौं । नेपाल मैदा उद्योग संघले भारत सरकारले दिएको ५० हजार मेट्रिक टन गहुँ तुरुन्त मगाउन सरकारसँग आग्रह गरेको छ । भारत सरकारले गत वैशाख ३० देखि गहुँ आयातमा लगाएको प्रतिबन्धका कारण बजारमा मैदा र आँटाको चरम अभाव भएकोले भारतले दिने भनेको गहुँ तत्काल मगाउन संघले सरकारसँग आग्रह गरेको हो ।
भारतबाट ५० हजार हजार मेट्रिक टन गहुँ आयात गरी सबै मैदा मिलले मिलिङ गर्न पाउँदा पनि करिब २० दिन पुग्ने संघले जनाएको छ । नेपालमा गहुँको सिजन आउन अझ तीन महिना बाँकी छ । आगामी तीन महिनाको लागि नेपालका ३८ वटा उद्योगमा लगभग दुई लाख मेट्रिक टन गहुँ आवश्यक पर्ने संघले जनाएको छ । संघका अनुसार बिस्कुट, चाउचाउ, बेकरी, तन्दुुरी/नान, भोजनालय, रेष्टुरेन्टलगायत ठूला साना सबै होटललाई मागअनुसारको मैदा तथा आँटा मैदा उद्योगले उपलब्ध गराउन सकेका छैनन् ।
संघका महासचिव राधेश्याम अग्रवालले एक विज्ञप्ति जारी गरी मैदा आयातको सट्टा गहुँ आयात गर्न सरकारसँग आग्रह गरेका छन् । गहुँ उपलब्ध भएमा यहाँका उद्योग चल्ने र सबै क्षेत्रलाई फाइदा पुग्ने उनको भनाइ छ । मागअनुसारको मैदा तथा आँटा उपलब्ध गराउन नसक्दा मैदा व्यवसायी चिन्तित रहेको संघले जनाएको छ ।
आम उपभोक्ताको दैनिक खाद्यान्नको रूपमा चामलको सट्टा स्वस्थलाई ध्यानमा राखी रोटी खाने बानीको विकास भएकोले उनीहरूलाई समेत प्रत्यक्ष प्रभाव पर्ने संघको भनाइ छ । भारत सरकारको प्रतिबन्धपश्चात् मैदा उद्योगले बजारबाट महंगो मूल्यमा गहुँ खरिद गरिरहेको हुँदा मैदा/आँटाको मूल्य बढिरहेकाले उपभोक्तालगायत सबै क्षेत्रलाई प्रभाव परिरहेको जानकारी पनि सरकारलाई संघले दिँदै आएको उल्लेख गरेको छ ।
‘अहिले पछिल्लो समयमा बजारमा गहुँ नै छैन जसको कारण देशभरिका ८० प्रतिशत मैदा उद्योग नै बन्द हुने अवस्थामा पुगेका छन् भने बाँकी उद्योगहरू पनि एक हप्तामा पूर्ण बन्द हुने अवस्थामा छ’, संघले भनेको छ, ‘मैदा उद्योगले बजारमा मैदा/आँटा दिनसक्ने अवस्था नै छैन । योे विषम परिस्थितिबाट केही हदसम्म राहत पाउन तोकिएको कोटा तुरुन्त पाउनुपर्ने देखिन्छ ।’
क्याटेगोरी : कर्पोरेट-वाणिज्य-उद्योग
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया