काठमाडौं,चालू आर्थिक वर्षको १० महिनामा मुलुकको व्यापारघाटा १२ खर्ब चार अर्ब ४२ करोड रुपैयाँ भएको छ । गत आर्थिक वर्षको सोही अवधिमा १४ खर्ब ३१ अर्ब ३० करोड रुपैयाँ व्यापारघाटा थियो । सरकारले चालू आर्थिक वर्षको सुरुदेखि नै केही विलाशी वस्तुको आयात रोकेका कारण यसवर्ष व्यापारघाटा कम देखिएको हो ।
भन्सार विभागले आइतबार सार्वजनिक गरेको तथ्यांकअनुसार साउन यता वैशाख मसान्तसम्म कुल १३ खर्ब ३५ अर्ब ३२ करोड रुपैयाँबराबरको वस्तु आयात भएको छ । जुन गत आर्थिक वर्षको सोही अवधिको तुलनामा १६ दशमलव ७८ प्रतिशतले कम हो । गतवर्षको सोही अवधिसम्म १६ खर्ब चार अर्ब ६५ करोड रुपैयाँबराबरको वस्तु आयात भएको थियो ।
यो अवधिमा नेपालबाट कुल एक खर्ब ३० अर्ब ९० करोड रुपैयाँको वस्तु निर्यात भएको छ । जुन गत आर्थिक वर्षको तुलनामा २४ दशमलव ४९ प्रतिशतले कम हो । गत आर्थिक वर्षको सोही अवधिमा एक खर्ब ७३ अर्ब ३५ करोड रुपैयाँको वस्तु निर्यात भएको थियो ।
कुल वैदेशिक व्यापारको आकार १४ खर्ब ६६ अर्ब २२ करोड रुपैयाँ पुगेको छ । जुन गत आर्थिक वर्षको सोही अवधिको तुलनामा १७ दशमलव ५४ प्रतिशतले कम हो ।विभागका अनुसार भारतबाट सबैभन्दा धेरै वस्तु आयात भएको छ । भारतबाट मात्रै आठ खर्ब ४४ अर्ब ५३ करोड रुपैयाँबराबरको आयात भएको छ । चीनबाट एक खर्ब ७९ अर्ब २१ करोड रुपैयाँको आयात भएको छ । त्यसपछि आयात धेरै हुने मुलुकमा इन्डोनेसिया छ । इन्डोनेसियाबाट ३५ अर्ब ६४ करोड रुपैयाँबराबरको वस्तु आयात भएको देखिन्छ ।
निर्यात पनि सबैभन्दा धेरै भारतमा भएको देखिएको छ । भारतमा ९१ अर्ब १४ करोड रुपैयाँबराबरको वस्तु निर्यात भएको छ । भारतपछि निर्यात धेरै हुने मुलुकमा अमेरिका छ । अमेरिकामा कुल १६ अर्ब ३० करोड रुपैयाँको निर्यात भएको छ । चीनमा कुल एक अर्ब ३५ करोड रुपैयाँको मात्रै निर्यात भएको छ ।सबैभन्दा धेरै पेट्रोलियम पदार्थ दुई खर्ब ९१ अर्ब ७२ करोड रुपैयाँको आयात भएको छ । त्यसपछि फलाम र स्टिलजन्य वस्तुको आयात एक खर्ब १४ अर्ब ८१ करोड रुपैयाँको भएको छ । ८३ अर्ब ७९ करोडको मेसिनरी औजार, ८१ अर्ब ८९ करोडको विद्युतीय उपकरण, २० अर्ब ३२ करोड रुपैयाँको खानेतेल, २७ अर्ब ५३ करोड रुपैयाँको तरकारी र १७ अर्ब ९४ करोडको फलफूल आयात भएको छ ।
क्याटेगोरी : समाचार
ट्याग : #Page 1, #page2
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया